POP 5

Lajmet më të lexuara të 5 minutave të fundit

Opinion

8 Janari, a do të guxojë Berisha?

Dita e 8 Janarit 2022, mbetet afati i fundit dhe pika më kulmore e “revolucionit demokratik” të Sali Berishës. Duke parë vendosmërinë e Lulzim Bashës për të mos lëshuar asnjë “pëllëmbë tokë të partisë në 5 Janar”, pritet të shohim se çfarë do të ndodhë në 8 Janar.

8 Janari, a do të guxojë Berisha?

Dita e 8 Janarit 2022, mbetet afati i fundit dhe pika më kulmore e “revolucionit demokratik” të Sali Berishës. Duke parë vendosmërinë e Lulzim Bashës për të mos lëshuar asnjë “pëllëmbë tokë të partisë në 5 Janar”, pritet të shohim se çfarë do të ndodhë në 8 Janar. Është pikërisht dita kur Sali Berisha dhe “ushtria e demokratëve të lirë” do të mësyjnë në selinë blu, për të rimarrë zyrat e Partisë Demokratike. Padurimi i Sali Berishës, lidhet me “trokitjet” e forta që vijnë nga selia në Rrugën e Elbasanit, apo dhe ankthi i ardhjes së ndonjë “fashikulli” me prova të forta për korrupsionin, apo dhe marifete të tjera të dikurshme. Pas Kuvendit të 11 Dhjetorit 2021, dhe votimit “plebishitar” të anëtarësisë për shkarkimin e kryetari Basha, nuk ka kuptim që Sali Berisha të presë jashtë selisë, dhe të futet si ilegal në zyrat e partisë.

Ndaj ai ka vendosur ti japë “mësimin e duhur Lulit”. Paralajmërimin e fundit për 2021, Sali Berisha e ka rreshtuar natën e 31 Dhjetorit, apo dhe duke i dërguar atij “fonograme” presioni se “nëse nuk më liron zyrën deri në 5 Janar, do të përballesh me uraganin më të fuqishëm”. Por edhe Lulzim Basha, nuk ka ndenjur “urtë”. Edhe ai i ka kthyer përgjigje “babait politik”. E ka injoruar paralajmërimin e tij, dhe ka deklaruar se “nuk tërhiqem nga fjala ime dhe jemi të përgatitur për çdo skenar të mundshëm”. Në pamjen e parë duket sikur, në 8 Janar nuk do të ndodhë asgjë. Por duke e njohur Sali Berishën, mendoj se në 8 Janar, falangat e tij, mbështetësit dhe ajo pjesë e anëtarësisë që e beson prej 30 vitesh, do të shkojnë në selinë blu, do të futen atje, do të kthejnë gjithçka përmbys, dhe pse jo, do të ketë edhe skena dhune dhe përplasje mes palëve.

Deri tani, Sali Berisha e ka akuzuar Lulzim Bashën se “mban në selinë e partisë njerës të armatosur”, ndërkohë që këtë “zanat” e ka pasion më tepër Doktori, se kryetari aktual. Por gjithsesi, mbetet të shohim skenarin e të dyve, dhe ajo që do të fundoset më shumë në këtë betejë donkishoteske, është Partia Demokratike, imazhi dhe morali i saj në sytë e shqiptarëve dhe ndërkombëtarëve. Më e pranueshme do të ishte natyrisht, largimi i të dyve nga drejtimi i asaj partie. Sot ajo forcë politike, ka denigruar në pikën e hallit. Baza e saj ka mbetur si e hutuar, pasi njëri nuk del nga zyra, dhe tjetri po bëhet gati ta nxjerrë me dhunë të “shkarkuarin me 44 mijë vota”. Dita e 8 Janarit 2022, do të mbahet mënd gjatë, si pika më kulmore në historinë e Partisë Demokratike, pasi varet fati dhe ecuria e mëtejshme e dy “gjelave blu”. I pari përfundimisht mbetet pa bazën e partisë (nëse del nga zyra si i shkarkuar), kurse i dyti luan me “zjarrin” sepse e di fare mirë se koha e tij ka mbaruar. Ai kërkon të marrë me vehte edhe Lulin, pasi nuk mund ta lërë partinë në dorën e “besprerit”.

Zhvillimet e fundit, flasin për mungesë maturie dhe humbje ekuilibri logjik nga Sali Berisha, duke mos ngurruar të themi se, atij i mungon edhe “nuhatja” politike. Edhe pse është i bindur, se përballë SHBA-së nuk mund të fitojë asnjë betejë, sërish Berisha do të guxojë të futet në selinë e partisë në 8 Janar, edhe sikur atë ditë ai mund të arrestohet. Guximi i tij nuk lidhet me të drejtën statutore apo zbatimin e “verdiktit” të shumicës së anëtarësisë. Veprimi i Berishës ka më tepër ngjyrime kanunore dhe krahinore, pasi ndjehet i “prerë në besë” nga Lulzim Basha.

Gjithsesi ajo ç’ka mbetet të shohim, natyrisht nuk do ti ngjasë një “14 Shtatori 1998”, pasi gjithçka sot ka shkuar në vendin e vet dhe Berisha e ndjen shpejt “flladin e Atlantikut” që paralajmëron torrnado…

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • titi kavajes: 05/01/2022 11:40

    berisha do ta nxjerre lulin me duket me force

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51