8 Marsi, njëkohësisht edhe dita
botërore e veshkave
""

Teksa gratë kanë vendosur t’i mundësojnë vetes një ditë ndryshe me rastin e 8 marsit, mjekët nefrologë të spitalit Hygeia tërheqin vëmendjen se ky 8 Mars duhet të jetë edhe një ditë reflektimi për to në lidhje me shëndetin dhe kontrollin e veshkave. Kjo jo vetëm për rastësinë që Dita Botërore e veshkave përkoi këtë vit në të njëjtën ditë me festën e tyre, por edhe për faktin se 8 në 100 shqiptarë vuajnë nga sëmundjet serioze të veshkave, duke shënuar në këto 10 vitet e fundit vetëm trend në rritje të shpejtë. Mjekja nefrologe, Elvana Rista ka një mesazh jo vetëm për gratë por për të gjithë shoqërinë shqiptare. 

Mjekja nefrologe Elvana Rista, përcjell për ReportTv një mesazh për gratë shqiptare, në raport me parandalimin e sëmundjes së veshkave.

“Bëni kontrolle të rregullta pasi diagnostifikimi i hershëm shpeton jetë. Ajo ka shtuar se Spitali Hygea me shërbimin e nefrologjisë si pjesë e iniciativës mbarëbotërore për të parandaluar dhe kapur në kohë sëmundjen e veshkave, ka ofruar një paketë kontrolli të veshkës në të cilin me ekzaminime të thjeshta mund të prekim, të parandalojmë dhe të prekim në kohë problemet e veshkave", ka thënw mjekja.

Viola Hoxha, është paciente e spitalit Hygeia prej 7 vitesh pasi është e kënaqur me shërbimin tepër të kujdesshëm. 

“Jam e kënaqur me mënyrën se si funksionon spitali Hygea, me përkujdesjen e mjekëve apo infermierëve. Gjithçka këtu ëhstë perfekte”, është shprehur pacientja.

Me rastin e 8 marsit, që përkonte në të njëjtën ditë me ditën botërore të veshkave, stafi i spitalit Hygeia u dhuroi pacienteve një lule.