POP 5

Lajmet më të lexuara të 5 minutave të fundit

Politikë

8 parti marrin 190 mln lekë
për 2014, PS më shumë

Komisioni Qendror i Zgjedhjeve ka shpërndarë dje fondin prej 190 milion lekësh për partitë poltike për vitin 2014.
TIRANE- Komisioni Qendror i Zgjedhjeve ka shpërndarë dje fondin prej 190 milion lekësh për partitë poltike për vitin 2014. Janë tetë parti politike që sipas relacionit të vendimit të KQZ përfitojnë një ndihmë financiare për vitin 2014, edhe pse ky nuk është një vit zgjedhor. Sipas vendimit të KQZ, partia që përfiton më shumë fonde është pikërisht PS me 75.938.521 lekë. Pas saj vjen PD me 59.441.771 lekë,  LSI me 22.837.891 lekë dhe partitë e tjera aleate. Mes tyre është dhe FRD, edhe pse nuk është në parti parlamentare, por në bazë të këtij vendimi ajo ka fituar mbi 1% të votave në shkallë vendi në zgjedhjet e fundit shumën prej 3 milion lekësh të vjetra.

“Shpërndarja e fondeve për partitë politike bëhet: 70% sipas numrit të deputetëve të fituar në zgjedhjet e fundit parlamentare. Çdo parti parlamentare përfiton ndihmë financiare në përputhje me numrin e deputetëve që ka fituar në bazë të sistemit zgjedhor të parashikuar nga Kodi Zgjedhor. 20% në mënyrë të barabartë ndërmjet partive parlamentare. 10% sipas përqindjes së fituar ndërmjet partive politike që kanë marrë pjesë në zgjedhjet e fundit parlamentare dhe që kanë fituar mbi 1% të votave në shkallë vendi.10% që mbetet i shtohet fondit prej 70% dhe u ndahet partive parlamentare”, thuhet në relacionin e vendimit të miratuar nga katër anëtarët e KQZ. Ndërkohë që ky fond për vitin 2013 për partitë ka qenë më i lartë, 200 milion lekë, ndërsa për zgjedhjet ishte parashikuar fondi prej 123 milion lekë që u shpërnda mes partive në bazë të numrit të deputetëve.

Mandatet
Katër anëtarët e KQZ miratuan dje edhe kërkesat e Kuvendit për plotësimin e vendeve vakante të PS dhe LSI. KQZ ngriti si shqetësim mosrespektimin e kuotës gjinore nga ana e LSI në Durrës. Pas dorëheqjes nga mandati i deputetes së PS në Qarkun e Lezhës, Mejreme Delishi, KQZ vendosi t’i japë mandatin e deputetit të Kuvendit të Shqipërisë, kandidatit të radhës në listën shumëemërore të kësaj, Mirela Neli(Syku). Pas 20 ditësh si deputete e PS, ajo e ka justifikuar dorëheqjen për shkaqe shëndetësore. “Vetëm për arsye shëndetësore.

Unë bëj dy herë në javë dializë dhe është e pamundur që të ndjek seancat dhe të punoj në komisionet parlamentare. Është shumë e vështirë për mua. Kur hyra atë ditë dhe bëra betimin në Parlament, dhe tani e shoh të arsyeshme të jap dorëheqjen për arsye shëndetësore”, është shprehur ajo. Gjithashtu dje në KQZ u zëvendësua edhe mandati i ministrit Lefter Koka në qarkun e Durrësit, i cili u pasua me një deputete femër. Silvana Maksuti do të jetë deputetja më e re e Lëvizjes Socialiste për Integrim.
 
Fondi
PS: 75.938.521 lekë
PD: 59.441.771 lekë
LSI: 22.837.891 lekë
PDIU: 9.779.951 lekë
PR: 8.893.981 lekë
PBDNJ: 6.392.441 lekë
PKDSH: 6.392.441 lekë
FRD: 323.000 lekë


Shkrimi u publikua sot (21.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Procesi/ Presidenti dhe kriminel i dënuar, vendimi historik ndaj Trump për rastin e yllit porno

Procesi/ Presidenti dhe kriminel i dënuar, vendimi historik ndaj Trump për rastin e yllit porno

11 Janar, 08:26 nga Massimo Basile