8 vite që është rikthyer, kardiokirurgu: Na trajtojnë si kriminelë, e kam menduar shumë herë të iki prapë

Nga studio e “Rreze Dielli”, kardiokirurgu i njohur pediatër Altin Veshti, pyetjes nëse e ka menduar largimin nga Shqipëria i është përgjigjur se ka disa arsye që e kanë bërë ta mendojë seriozisht këtë gjë. E para dhe më e rëndësishmja sipas tij është fakti i ligjit që dënon mjekët.

Po po këtë e kam menduar, e them me sinqeritet disa herë gjatë këtyre viteve, sepse nuk është më problemi i vështirësive kirurgjikale të cilat kalohen, por janë edhe problemet e përditshmë që has në punë. Gjëja e parë që ëm shtyn, dhe ndoshta e vetmja është ligji që ekziston për dënimin e mjekëve që është ligj unik në Bashkimin Europian. Vdesin njerëz në Amerikë, vdesin në Itali, vdesin kudo në botë dhe kudo këtu shihet si gabim i mjekut dhe ai trajtohet si kriminel. Një mjek mund të merret nga salla e operacionit dhe të dërgohet direkt në burg, sit ë ishte një kriminel që ka bërë vrasje pa fund. Neglizhenca haset në çdo vend të botës, por dënimi që bëhet në Europë është krejt ndryshe me atë në Shqipëri. Nuk mund të them që kjo është arsyeja e vetme. Edhe ana monetare duhet riparë, sepse ashtu siç thërritet në orën 3 të mëngjesit për një urgjencë, duhet edhe të ketë mundësi të shkojë. Në Kosovë mjekët trajtohen nga ana financiare 3 herë më mirë se në Shqipëri, ka thënë Veshti për "Rreze Dielli"

Lajmi kryesor:

Ndër të rrallët kardiokirurgë pediatër! 1 mijë arsye për të ikur nga Shqipëria...dhe 1 arsye e FORTË për të qëndruar

/G.M./Shqiptarja.com

TAG:
• altin veshti
• kardiokirurg