POP 5

Lajmet më të lexuara të 5 minutave të fundit

Ekonomi

80% e hoteleve në Shëngjin të boshatisur, kreu i Dhomës së Tregtisë: Strukturat akomoduese punojnë me 20% të kapacitetit

Kjo është kriza më e thellë që ka pësuar ndonjëherë turizmi në Lezhë. Edhe pse është mes-korriku, 80% e hoteleve të Shëngjinit janë të boshatisur. Për shkak të kësaj situate, një numër i madh punonjësish kanë mbetur pa punë, thotë kreu i Dhomës së Tregtisë.

Hotelet dhe shtëpitë e pushimit në Shëngjin janë pothuajse bosh. Ato popullohen vetëm gjatë fundjavës. Edhe pse jemi në mesin e sezonit turistik strukturat akomoduese në Shëngjin punojnë me 20% të kapacitetit. Shqetësimi është ngritur nga kryetar i Dhomës së Tregtisë dhe Industrisë Pashk Palokaj.

“Strukturat akomoduese në Shëngjin janë prej 1 muaj e gjysmë në gatishmëri dhe kanë bërë gati gjithçka që duhet për pritjen e turistëve. Por ngelemi në një situatë me kapacitete jo më tepër se me 20%, po afrohemi në mesin e muajit të dytë të turizmit dhe situatë është jo gri por gati në të zezë", tha Palokaj.

Turizmi është një nga sektorët më të rëndësishëm në Lezhë dhe kjo krizë po reflekton në ekonomitë familjare. Për shkak të mungesës së turistëve shumë persona kanë mbetur pa punë.

“Këtu turizmi nuk është thjesht  vetëm hoteleria, ose personeli i ngushtë i hotelit. Hallka e njerëzve të punësuar është shumë e gjatë që nga tek punonjësi i thjesht, çadrat, shezlongët etj. Duke qenë se kapacitet dhe numri i turistëve është shumi i ulët, dihet që edhe nga bizneset ka patur shkurtim të numrit të punonjësve sepse ta dikton situata", u shpreh Palokaj.

Rreth 80% të të ardhurave të bashkisë vijnë nga turizmi dhe ndërtimi, ndaj Palokaj thotë se kjo duhet të reflektohet në rritjen e investimeve nga ana e bashkisë së Lezhës.

"Të gjithë të ardhurat e bashkisë rreth 70% -80% vjen nga sektori i ndërtimit dhe turizmit. Duke qene se të ardhurat janë në një përqindje kaq të madhe nga sektori dhe përkthimi i investimeve duhet të jetë me vëmendje nga Shëngjini”, përfundoi Palokaj.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Anfi: 10/07/2020 17:06

    Po pse ka hotele ne shengjin,,une vetem pallate kam pare aty....

    Përgjigju
  • Sondazhi i ditës: 17 Mars, 09:11

    Mendoni se Parlamenti i dalë nga zgjedhjet e 11 majit do të jetë më cilësor?

Lajme të tjera



×

Lajmi i fundit

Sulmet izraelite në Gaza, Shtëpia e Bardhë: Hamasi zgjodhi luftën

Sulmet izraelite në Gaza, Shtëpia e Bardhë: Hamasi zgjodhi luftën

18 Mars, 15:05