Komisioni Qendror i Zgjedhje do vendosë në sitë fondet e partive politike të përfituara dhe shpenzuara gjatë vitit 2016.
 
Përmes një deklarate për mediat, zëdhënësja e KQZ-së, Drilona Hoxhaj, në zbatim të nenit 92 të Kodit Zgjedhor, ftoi ekspertët kontabël të licencuar që të shprehin interesin e tyre pranë KQZ-së, për auditimin e fondeve të partive politike.
 
Ekspertët  kontabël të regjistruar pranë Instituti i Eksperteve Kontabel të Autorizuar (IEKA), përveç kushteve të përgjithshme të ushtrimit të profesionit duhet të plotësojnë edhe këto kritere:
    Të ushtrojnë profesionin e ekspertit kontabël të për jo më pak se 5 vjet.
    Të mos kenë marrë masa disiplinore: vërejtje me shënim në dosje ose pezullim të përkohshëm gjatë ushtrimit të profesionit të ekspertit kontabël.
    Të mos ketë qenë i zgjedhur në strukturat drejtuese të ndonjë partie politike në 5 vitet e fundit.
    Të mos ketë qenë kandidat i mbështetur nga ndonjë parti politike apo koalicion në zgjedhjet pararendëse.
    Të mos ketë marrëdhënie krushqie të afërt ose gjinie deri në shkallë të katërt me kryetarët dhe drejtuesit e tjerë më të lartë të partive politike, të cilat do të jenë objekt i auditimit.
Pas shfaqjes së interesit nga ekspertët kontabël pranë KQZ-së, përmes një shorti transparent që do të hidhet nga Komisioni Qendror i Zgjedhjeve, do të përcaktohen edhe ekspertët që do të bëjnë auditimin e fondeve të përftuara dhe shpenzuara për çdo parti politike gjatë vitit kalendarik 2016.
Auditët e interesuar të dorëzojnë pranë KQZ-së brenda datës 15.03.2017, këtë dokumentacion:
1-   Kërkesë aplikimi;
2-   Deklaratë e nënshkruar nga kandidati  lidhur me kriteret e përzgjedhjes të sipërcituara.
Janë të lutur të gjithë ekspertët kontabël të cilët plotësojnë kriteret e sipërpërmendura, të aplikojnë pranë KQZ-së dhe të japin kontributin e tyre në realizimin e kësaj detyre të përbashkët që ligji na ngarkon. 

Redaksia Online
l.q/Shqiptarja.com