BERAT - Në orën 22:00 në Qarkun e Beratit ka përfunduar plotësisht futja e materialeve zgjedhore në qendrat e votimit dhe dorëzimi i qendrave të votimit  të mbyllura nga komisioni për t’i ruajtur  fizikisht nga jashtë punonjësit e policisë.
 
Punonjësit e policisë të planifikuar për ruajtjen e objekteve zgjedhore janë paraqitur pranë objekteve zgjedhore që në orën 18:00  kur nisi marrja në ruajtje e tyre.
 
Në qarkun  e Beratit janë marrë në ruajtie  nga punonjësit e policisë 303 Qendra Votimi dhe 5 Komisione Zonale të Administrimit Zgjedhor. Për ruajtjen e KZAZ-ve dhe Qendrave të Votimit Policia e Qarkut Berat  ka angazhuar gjithsej 214 punonjës policie.
 
Ruajtja e Objekteve Zgjedhore do të vazhdojë deri ditën e nesërme kur  pranë tyre do të fillojnë normalisht punën Komisionet e Qendrave të Votimit dhe Komisionet Zonale të Administrimit Zgjedhor.

Redaksia Online
(f.s/shqiptarja.com)