Qarku i Dibrës është monitoruar sot nga ajri dhe toka për  evidentimin e bimëve narkotike.
 
Monitorimi ka nisur nga Policia e Dibrës në bashkëpunim me inspektoratin Policisë Pyjore , si pjesë e Planit Operacional për parandalimin e kultivimit të bimëve narkotike.
 
 Gjatë ditës së sotme u monitorua nga ajri territori i njësive administrative:
 
Tomin, Kastriot, Fushë-Çidhën, Sllovë, Kala e Dodës, Reç, Zall- Dardhë, Lurë, Arras, Muhurr, Selisht, Luzni. (Bashkia Dibër).
 
Lugina e Fush-Bulqizës, e Zerqanit dhe e Shupenzës. (Bashkia Bulqizë).
 
Njësia Administrative Ulëz, Baz, dhe Komsi (Bashkia Mat).
 
Gjatë monitorimit dhe kontrollit të zonave me risk nuk u evidentua asnjë parcelë e kultivuar me bimë narkotike.
 
Operacioni i monitorim -kontrollit të territorit për parandalimin dhe goditjen e kultivimit të bimëve narkotike do vijojë edhe në ditët në vazhdim nga ajri dhe toka.

Redaksia Online
J.Sh Shqiptarja.com