POP 5

Lajmet më të lexuara të 5 minutave të fundit

Politikë

​Fushata, KQZ:Materialet filmike në
ekranin e TV me logon e partisë

Sipas aktit të miratuar me 7 vota, logoja e partisë duhet të jetë e dukshme, jo më e vogël se logoja e operatorit audioviziv që e transmeton dhe të qëndrojë në ekran gjatë kohës së transmetimit të materialit, spotit apo reklamës zgjedhore  VIDEO
TIRANE-Një akt normativ i miratuar sot nga Komisioni Qendror i Zgjedhjeve parashikon që në rastet kur operatorët radiotelevizivë privatë, për pasqyrimin e fushatës zgjedhore vendosin të transmetojnë informacione të përgatitura nga subjektet zgjedhore, materialet duhet të përmbajnë logon e partisë politike apo koalicionit zgjedhor.

Sipas aktit të miratuar me 7 vota, logoja e partisë duhet të jetë e dukshme, jo më e vogël se logoja e operatorit audioviziv që e transmeton dhe të qëndrojë në ekran gjatë kohës së transmetimit të materialit, spotit apo reklamës zgjedhore.

Neni 84, i Kodit Zgjedhor parashikon që informacionet mbi aktivitetin e fushatës zgjedhore, që përgatiten dhe transmetohen në edicionet informative, bazuar në materialet e vëna në dispozicion nga subjektet duhet të identifikohen qartë në përputhje me udhëzimet e KQZ-së.

Përcaktimi i këtyre rregullave sipas kQZ, siguron identifikimin e qartë të subjektit zgjedhor që ka përgatitur materialin, si dhe garanton paanshmërinë nga ana e operatorëve radiotelevizivë privat në pasqyrimin e fushatës zgjedhore të subjekteve.

Akti i miratuar sot është pjesë e paketës me propozime që Avokati i Popullit i ka përcjelle KQZ-së per të realizuar një proces zgjedhor sipas standardeve.

(d.b/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

NBA/ Cleveland pa rivalë në parket, përmbysje ëndrrash nga Maverics! Lakers i ndal zjarri

NBA/ Cleveland pa rivalë në parket, përmbysje ëndrrash nga Maverics! Lakers i ndal zjarri

10 Janar, 14:46