KORÇË- Tre persona të akuzuar për vjedhje u arrestuan ditën e sotme në Korçë.

Sipas policië, u arrestua Zamir Fejzollari, 37 vjeç, banues në Korçë, pasi dyshohet se është autorë i vjedhjes të një sasie lekësh në banesën e një 34 vjeçarje me inicialet E.N, 34 vjeçe, ngjarje  e cila ka ndodhur më datën 5 gusht.

U arrestuan gjithashtu në flagrancë edhe dy vëllezër, Franci Agolli, 20 vjeç dhe Erges Agolli, 22 vjeç, të dy banues në Bilisht, pasi ditën e sotme, në lagjen nr 1 në Korçë, ata u kapën në tentativë për të vjedhur në banesën e një 43 vjeçari me inicialet A.Xh.

Materialet në ngarkim të tyre i kaluan Prokurorisë të Rrethit Gjyqësor Korçë për veprime të mëtejshme hetimore.

Njoftimi i plotë i policisë:
Policia arreston tre shtetas për veprën penale "Vjedhja".
Specialistët e Seksionit për Krimet në Komisariatin e Policisë Korçë, bënë ndalimin e shtetasit :
Zamir Fejzollari, 37 vjeç, banues në Korçë.
Ndalimi i tij u bë pasi shtetasi i mësipërm, dyshohet të jetë autori i vjedhjes të një sasie lekësh në banesën e shtetases E.N, 34 vjeçe, ngjarje e ndodhur më datë 05.08 2017, në lagjen nr 3 të qytetit të Korçës.
Gjithashtu po nga këto struktura, u bë kapja dhe arrestimi në flagrancë i dy shtetasve :
Franci Agolli, 20 vjeç dhe Erges Agolli, 22 vjeç, (vëllezër) të dy banues në Bilisht.
Arrestimi i tyre u bë pasi më datë 22.08.2017, në lagjen nr 1 në Korçë, këta shtetas në bashkëpunim mes tyre u kapën në tentativë për të vjedhur në banesën e shtetasit A.Xh, 43 vjeç.
Materialet në ngarkim të tyre i kaluan Prokurorisë të Rrethit Gjyqësor Korçë për veprime të mëtejshme hetimore.

Redaksia Online
J.Sh Shqiptarja.com