Katër persona janë shpëtuar në ujërat e Ksamilit pasditen e sotme, duke shmangur kështu një incident që mund të kishte përfunduar në një tragjedi tjetër në plazhet tona.

Sipas policisë rreth orës 17:00 një person me inicialte K.Sh ka kërkuar ndihmë pasi së bashku me 3 person atë tjerë ndodheshin në një pedalin, dh enë një moment mjetit i janë bllokuar pedalet.

Në ndihmë të tyre ka shkuar patrulla e stacionit të policisë kufitare në Ksamil.

Personat me i inicialet K.Sh, O.Xh, M.B dhe E.P, ju dha ndihma nga ana e Policisë Kufitare si dhe janë këshilluar që të tregojnë kujdes kur marrin mjete lundruese në përdorim.

sarande
(Policia në momentin e ardhjes në ndihmë të katër personave)

Njoftimi i plotë i policisë: 
Ksamil - Sarandë.
Policia Kufitare u vjen në ndihmë dhe shpëton 4 shtetas në Ishujt e Ksamilit.
Rreth orës 17:00, shtetasi K.Sh, ka kërkuar ndihmën e Policisë Kufitare , se tek Ishujt e Ksamilit, ndodhej me një mjet detar tip pedalon, me 3 shtetas të tjerë, dhe mjetit nuk i fuksiononin pedalet pasi i ishin bllokuar.
Menjëherë në ndihmë të tyre ka shkuar Patrulla e Stacionit të Policisë Kufitare në Ksamil me mjetin lundrues ku ka kontaktuar me personat me pedalon duke u dhënë ndihmën e nevojshme dhe duke i shoqëruar në breg pa probleme.
Shtetasit K.Sh, O.Xh, M.B dhe E.P, iu dha ndihma nga ana e Policisë Kufitare janë këshilluar që të tregojnë kujdes kur marrin mjete lundruese në përdorim.

Redaksia Online
J.Sh Shqiptarja.com