“Veç me vdekjen s’jam takuar kurrë,
Ndaj e pres nderuar ne shtëpi,
Për respekt një qengj manar në furrë,
Për humor një shishe me raki.
Do ta ftoj ne sofër tok te pijmë,
Vdekja mbretëreshë e unë mbret!
Dehur bashkë natën do ta gdhijmë,
Dehur do te dalim ne qytet.
Xurxull vdekja do këndojë: “U prisha,
Moralisht u prisha!…Ah, ç’mëkat!”
Do çuditet president Berisha:
“Paska dehur vdekjen ky lugat!”…
#Dritëro Agolli
(d.b/Shqiptarja.com)