​Maqedoni-Shqipëri, statistikat
e përballjeve ndër vite

Ndeshja e nesërme do të jetë përballja e dhjetë mes kombëtares sonë dhe asaj maqedonase.
 
Kjo sfidë është një nga më të rëndësishmet, pasi është në lojë vendi i tretë në grupin G, kualifikues i Botërorit, Rusi 2018.
 
Nga përballja e parë në 14 maj 1994 e deri më sot në 9 përballjet e mëparshme bilanci flet në favor të maqedonasve me katër fitore, përballë dy fitoreve të Shqipërisë dhe tre barazimeve.
 
Kuqezinjtë e Panuccit do të kërkojnë fitoren e dytë radhazi, pas fitores në Loro Boriçi, me rezultatin 2-1 shtatorin e kaluar.
 
Nga nëntë ndeshjet e zhvilluara tetë prej tyre kanë qënë miqësore dhe vetëm përballja e fundit që u fitua nga Shqipëria ishte ndeshje kualifikuese.
 
Në 14 Maj të 1994-tës maqedonia ka fituar me rezultatin e  5-1.
 
Fitorja e parë e kuqezinjve ka qënë në një miqësoren e vitit 1999 që përfundoi me rezultatin 2-0.
 
Redaksia Online
Er.K/Shqiptarja.com