POP 5

Lajmet më të lexuara të 5 minutave të fundit

Opinion

​Pikëpyetjet që krijuan Lu dhe Llalla

Pas akuzave të ndërsjella që shkëmbyen ambasadori Lu me Prokurorin e përgjithshëm Llalla opinioni publik është ndarë siç ndaheshin grumbujt e tifozëve dekada më parë ndërsa ndiqnin para televizorëve ndeshjet derbi Dinamo Partizani
Pas akuzave të ndërsjella që shkëmbyen ambasadori Lu me Prokurorin e përgjithshëm Llalla opinioni publik është ndarë siç ndaheshin grumbujt e tifozëve dekada më parë ndërsa ndiqnin para televizorëve ndeshjet derbi Dinamo Partizani.

Por në fakt situata nuk është bardh e zi. Eshtë shumë komplekse. Akuzat dhe kundërakuzat nuk kanë ndihmuar për të kuptuar thelbin e kësaj situate të paprecedentë.

E vërteta e kësaj tollovie do të kuptohet kur emocionet të bien dhe publiku të sqarohet lidhur me dy akuzat e ashpra që u shkëmbyen, dy akuzat që ende nuk kanë marrë përgjigje: a ka tentuar Llalla të fshijë serverin e ILDKPKI, ku ndodhen deklarimet e pasurisë së gjithë zyrtarëve shqiptarë. Kjo ishte akuza më e drejtpërdrejtë që bëri ambasadori ndaj kryeprokurorit. Llalla u mbrojt se kjo është teknikisht e pamundur por ende asnjë zyrtar nuk ia ka hedhur poshtë këtë pretendim të tij.

Akuza tjetër që shërben për të kuptuar situatën është ajo e bërë nga prokurori se ambasadori i ka bërë presion për të mbyllur hetimet ndaj Bankers. Madje ai tha se një biznesmen shqiptar e ka paralajmëruar se ambasadori gjithashtu do ia kërkojë këtë favor. Por Llalla nuk tha se kush është ky biznesmen. U mjaftua të thotë se bisedat i ka të regjistruara.

Thënia e Shën Kozmait se nuk besoj pa vënë dorën në plagë është e vlefshme për opinionin shqiptar ku inflacioni i akuzave ka arritur në atë pikë sa vështirë dikush të besojë pa u hapur gjithë letrat. Opinioni publik bindet nëse ambasadori i jep përgjigje kësaj akuze ose prokurori të bëjë publike regjistrimet, nëse i ka.
 
 Në situatën e krijuar njëri prej tyre duhet të largohet. Akuzat kanë çdo limit. Këtë betejë, që pritet të shkaktojë reaksion zinxhir, do ta fitojë ajo palë që arrin të bindë opinionin për vlefshmërinë apo pavlefshmërinë e dy akuzave që duket se askush nuk po i jep përgjigje deri tani.

(Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55