TIRANE-Policia e Shtetit reagon ndaj deklaratës së Ilir Metës nga Lezha për armatosje të popullit.

Me anë të një njoftimi për shtyp, Policia e Shtetit shpreh keqardhje për sulmin e Ilir Metës. Policia shprehet se po vijon hetimet mbi rastin e dhunimit të një personi në Rraboshtë të Lezhës. aktivist i LSI, por ende nuk ka dyshime konkrete se incidenti është i motivuar politikisht.

“Keqardhje për sulmin e sotëm mbi Policinë e Shtetit nga ana e një lideri politik, lidhur me incidentin e ndodhur në Lezhë.
Ashtu sikundër e ka komunikuar me transparencë të plotë më parë, Policia e Shtetit përsërit se ka kryer të gjitha veprimet hetimore dhe nuk ka asnjë provë për prapavijën politike të incidentit.
Pretendimet e personit të goditur po vazhdojnë të hetohen.
Por mbetet fakti që në deponimin e tij ai ka folur për persona të panjohur dhe nuk ka raportuar asgjë konkrete që te ngrihet dyshimi i arsyeshëm se incidenti është i motivuar politikisht.
Policia e Shtetit do të vazhdojë të kryeje me përgjegjshmërinë më të lartë profesionale detyrën e saj kushtetuese e ligjore dhe u bën thirrje të gjitha subjekteve e liderëve politikë të shmangin çdo përfshirje direkte ose indirekte të Policisë së Shtetit në retorikën e tyre elektorale", citon deklarata.

(d.b/Shqiptarja.com)