POP 5

Lajmet më të lexuara të 5 minutave të fundit

Politikë

​Procesverbalet/Të gjitha partitë
kanë vjedhur në 25 qersho

Nga rinumërimi i 64 kutive të qarkut të Tiranës me kërkesë të PDIU-së dhe PS-së doli në pah elementi i konsumimit të veprës penale nga dhjetëra numërues.  VIDEO   FOTO
Nga rinumërimi i 64 kutive të qarkut të Tiranës me kërkesë të PDIU-së dhe PS-së doli në pah një papërgjegjshmëri e lartë dhe neglizhencë totale nga ana e numëruesve të votave të shqiptarëve në 25 qershor. 

Nga 64 kuti të hapura, vetëm 7 tabela rezultatesh përputheshin me votat që ndodheshin brenda. Në 57 kuti të tjera votat ishin tjetërsuar dhe numërimi i parë me atë të dytin nuk përputheshin thuajse në asnjë parti. Kryesisht votat ju janë marrë partive të vogla që nuk kishin numërues.

Në total, Partia Socialiste kishte marrë padrejtësisht 69 vota më shumë, ndërsa Partia Demokratike 47 të tilla. LSI-ja ka marrë padrejtësisht 74 vota më shumë, ndërsa PDIU është e vetmja me bilanc negativ, ku edhe pse i kishin hequr 5 vota në total, ajo vetë kishte përfituar padrejtësisht 52 vota, ndërsa i kishin marrë 57 të tilla. 

Ky rinumërim i pjesshëm tregon se në mos të qëllimshme, veprimet e numëruesve janë të papërgjegjshme, dhe këtu flasim për numëruesit e kryeqytetit. Numëruesit janë të gjithë me arsim të lartë, punonjës të administratës, në hipoteka, në arsim, në polici, në shëndetësi, nëpër ministri. 

Kur këta individë kanë sjellje kaq të papërgjegjshme për një proces kaq të rëndësishëm kombëtar si zgjedhjet parlamentare një herë në katër vjet, është e vështirë të besojmë se në punën e tyre të përditshme në zyrat e shtetit janë më vigjilentë apo korrekte. 

Numëruesit rrezikojnë 3-7 vjet burg
Të zgjedhurit e partive për të numëruar, praktikisht edhe të zgjedhurit e partive për të punuar në shtet, kanë njollosur zgjedhjet, por edhe kanë konsumuar vepra penale e të Falsifikimit të materialit zgjedhor dhe rezultateve të zgjedhjeve, parashikuar nga neni 326 i Kodit Penal. 

Është e vërtetë se në kaq kuti sa u numëruan rezultati nuk lëvizi thuajse aspak në nivel qarku, por Kodi Penal thotë se, kur rezultati ndryshohet apo falsifikohet nga numëruesit, vepra dënohet dënohet me burgim nga tre gjer në shtatë vjet. 

Deri më tani, edhe pse kreu i KQZ-së ka bërë thirrje publike që prokuroria të hetojë krimet elektorale, nuk ka asnjë të dhënë zyrtare për nisjen e hetimit të ndonjë rasti.

[gallery]23082[/gallery]

Redaksia Online
l.q/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet

Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet

10 Janar, 17:38