Fast - food-et mbeten një zgjedhje e shumë të rinjve që, në mungesë të kohës apo të tjera  alternativave, i konsumojnë ato vazhdimisht.
 
Po shqetësim mbeten kushtet higjeno sanitare të ushqimeve të shpejta.
 
Nisur nga një vendim i Autoritetit Kombëtar Të Ushqimit datë 11.09.2017 “Për monitorimin e operatorëve të biznesit ushqimor fast food që ushtrojnë aktivitetin pranë institucioneve arsimore”, Report Tv bëri një vëzhgim në disa shkolla të kryeqytetit si: Sami Frashëri, Misto Mame, Shkolla Teknike Ekonomike dhe Asim Vokshi.

Pjesa më e madhe e bizneseve ushqimore ndodhen buzë rrugës, duke bërë që produktet që ju ofrohen nxënësve të jenë të ekspozuara ndaj pluhurit.
 
Produktet e pambrojtura ndaj papastërtive rrotull rrezikojnë të kthehen në burim bakteriesh që më pas krijojnë pasoja për nxënësit që i konsumojnë vazhdimisht.
 
Ndërkohë që AKU do të monitorojë të gjitha parametrat e bizneseve ushqimore që ushtrojnë aktivitetin pranë shkollave për të garantuar sigurinë e tyre.
 
Të gjitha ato biznese që nuk respektojnë standartet e sigurisë do të ndërmerren paralajmërime, gjoba e deri në mbyllje të aktivitetit të tyre.

Redaksia Online
J.Sh Shqiptarja.com