Një aksident i rëndë automobilistik ka ndodhur ditën e sotme pranë rreth- rrotullimit të Rrogozhinës, ku si pasojë e aksidentit ka humbur jetën një 25- vjeçar.

Burime zyrtare nga policia bëjnë me dije se aksidenti ka ndodhur rreth orës 12:15 të ditës së sotme, ku një automjet me rimorkio, i cili drejtohej nga G. S, 35 vjeç,  ka përplasur  një automjet tip “Fiat Punto”, të cilin e drejtonte M.Zh, 25 vjeç.

Grupi hetimor është duke punuar për zbardhej e shkakut dhe rrethanave të ngjarjes.

Njoftimi i policisë:
Më datë 29.09.2017, rreth orës 12:15, në numrin e Emergjencave 112, jemi njoftuar për një përplasje mjetesh tek rreth-rrotullimi i Rrogozhinës.

Në vendngjarje kanë mbërritur shërbimet e policisë dhe ambulanca, ku nga verifikimet paraprake ka rezultuar se :

Mjeti me rimorkio me drejtues shtetasin G.S, 35 vjeç ka përplasur mjetin tip "Fiat Punto", me drejtues shtetasin M.Zh., 25 vjeç.

Si pasojë e përplasjes ka ndërruar jetë shtetasi M.Zh., 25 vjeç.

Grupi hetimor po vazhdon punën për zbardhjen e shkakut dhe rrethanave të ngjarjes.

Redaksia Online
D.T/Shqiptarja.com