​Takimi i Brukselit, Nikoliç
Duam paqe me Kosovën

Presidenti i Serbisë, Tomislav Nikoliç, është prononcuar mbi domosdoshmërinë për paqen, në prag të takimit të nesërm në Bruksel.
 
Nikoliç, për sitin rus Sputnik, thotë se paqja mund të arrihet vetëm nëse të dyja palët repsktojnë marrëveshjet.
 
"Shqiptarëve do t’u themi hapur se respektimi i marrëveshjeve është thelbësor për të pasur paqe, ndërsa përfaqësuesve të Bashkimit Evropian do t’u themi që kanë detyrën të parandalojnë dhe, nëse kjo nuk është e mundur, atëherë të heqin dorë nga çdo aksion që mund të kërcënojë direkt paqen dhe sigurinë e të gjithë banorëve të Kosovës”.
 
“Duam paqe dhe nuk do të jemi ne të parët që ta vëmë në rrezik”, përfundon Nikoliç.
 
Kryeministri Aleksandar Vuçiç deklaroi dje se në etapën e bisedimeve me Kosovën në Bruksel do të jetë i pranishëm edhe presidenti.
d.i./Shqiptarja.com