9-mujori i I i 2014, RBI me një fitim
të konsoliduar prej 225 milionë Euro

Gjatë nëntë muajve të parë të vitit 2014, Raiffeisen Bank International AG (RBI) gjeneroi një fitim para taksës prej 502 milionë €, i cili korrespondon me një ulje prej 28 përqind, ose 194 milionë € nga viti ne vit. Kjo periudhe raportimi u dominua nga tensionet gjeopolitike në Ukrainë dhe presionet e reja në sektorin bankar në Hungari.
 
Fitimi pas taksës u ul 44 përqind në 259 milionë € nga viti në vit. Fitimi që i atribuohet interesave jo të kontrollueshme u ul 16 milionë €, në minus 34 milionë €. Kjo rezultoi në një fitim të konsoliduar prej 225 milionë €.
 
Si rezultat i rritjes së kapitalit në fillim të 2014, numri mesatar i aksioneve në periudhën e raportimit u rrit në 282.7 milionë (krahasuar me të njëjtën periudhë të vitit të kaluar : 194.9 milionë). Kjo rezultoi në përftimet për aksion prej 0.42 €, e cila qëndron në 1.34 € krahasuar me të njëjtën periudhë të vitit të kaluar.
 
Sipas bankës:
 
* Të ardhurat neto nga interesat rriten 4.2 përqind në 2,894 milionë € nga viti në vit (e njëjta periudhë/2013: 2,776 milionë €)
 
* Të ardhurat operative ulen me 3.0 përqind në 4,137 milionë € (e njëjta periudhë/2013: 4,267 milion €)
 
* Shpenzimet e përgjithshme administrative ulen 5.5 përqind në 2,295 milionë € (e njëjta periudhë në 2013: 2,430 milionë €)
 
Të gjitha shifrat bazohen në standardet (IFRS).
 
 
Të ardhurat neto nga interesat u rriten 4 përqind
 
Të ardhurat operative u ulen 3 për qind, ose 130 milionë €, në 4,137 milioën € nga viti në vit.
 
Në nënte muajt e parë të 2014, të ardhurat neto nga interesat u rriten 4 përqind, ose 117 milionë €, në 2,894 milionë € nga viti në vit.
 
Raporti kosto/të ardhura u përmirësua në 55.5 përqind
 
Shpenzimet e përgjithshme administrative u ulen 6 përqind, ose 135 milionë €, në 2,295 milionë € nga viti në vit. Raporti kosto/të ardhura u përmirësua 1.5 pikë përqindjeje në 55.5 përqind.
 
Në masën 50 përqind, komponenti më i lartë në shpenzimet e përgjithshme administrative ishte shpenzimet për stafin - një rënie prej 6 përqind, ose 78 milionë € në 1,149 milionë €.
 
Rritje në provigjionet neto për humbjet nga kreditë e këqija me 35 për qind për shkak të krizës në Ukrainë
 
Krahasuar me të njëjtën periudhë të vitit të kaluar, provigjionet neto për humbjet nga kreditë e këqija u rriten me një total prej 35 përqind, ose 283 milionë €, në 1,083 milionë €. Kjo erdhi kryesisht për shkak të 272 milionë € rritje në provigjionet neto për humbjet nga kreditë individuale – nga të cilat 227 milionë € në Ukrainë.
 
Në periudhën e raportimit, raporti NPL (kreditë me probleme) u rrit me 0.4 pikë përqindjeje në 11.1 përqind krahasuar me fundin e vitit 2013. Kreditë me probleme u vendosën kundrejt provigjioneve për humbjet nga kreditë prej 6,018 milionë €, duke përmirësuar normën e mbulimit të NPL në 65.4 përqind krahasuar me 63.1 përqind në fund të vitit.
 
Zhvillimet e monedhës me impakt negativ në kapitalin total të RBI-së
 
Në 30 Shtator 2014, totali i kapitalit të RBI-se kishte vlerën 12,333 milionë €. Kjo korrespondon me një rënie prej 353 milionë € krahasuar me shifrën e fundit të vitit 2013 të llogaritur nën Basel II dhe erdhi kryesisht nga performanca negative e monedhës Ukrainase (hryvnia) dhe asaj Ruse (rubla). Ndersa rritja e kapitalit ne fillim te 2014 rezultoi në një fitim neto në kapital, ripagimi i kapitalit pjesëmarrës shtetëror në Qershor 2014 në një vlerë prej 1,750 milionë € si dhe ripagimi i kapitalit pjesëmarrës privat në Shtator 2014 në vlerën prej 750 milionë €, patën një efekt negativ në kapitalin rregullator.
 
Provigjionet e larta neto për humbjet nga kreditë e këqija në tremujorin e tretë me impakt negativ mbi rezultatet
 
Krahasuar me tremujorin e dytë, të ardhurat neto nga interesat ra në 4 per qind, ose 35 milionë €, ne 940 milionë € në tremujorin e tretë. Të ardhurat neto nga tarifat dhe komisionet u rriten 15 milionë € në 404 milionë € krahasuar me tremujorin e dytë.
 
Krahasuar me tremujorin e kaluar, e ardhura tregtare neto u përmirësua nga 28 milionë € në 30 milionë €. Kjo erdhi nga një rritje në të ardhurat neto nga transaksionet e bazuara në interes nëe Poloni, Republikën Çeke dhe Rumani. Ndërsa këto transaksione rëne kryesisht në Rusi dhe Ukrainë, ku zhvlerësimet e konsiderueshme të monedhave çuan në humbje nga vlerësimet në derivativet dhe pozicionet e monedhave të huaja.
 
„Ashtu siç pritej, rezultatet e tremujorit u ndikuan nga efekte negative. Kriza në Ukrainën Lindore rezultoi në një rritje të fortë të kostove të riskut dhe legjislacioni i ashpër bankar në Hungari çoi në kosto të larta, ndërkohë që rezultati operativ mbeti pothuajse i qëndrueshëm krahasuar me tremujorin e mëparshëm. Ne jemi mjaft të kënaqur me zhvillimin e biznesit në tregjet tona të tjera. Kështu që, presim të kthehemi në zonën e fitimit në vitin e ardhshëm financiar dhe parashikojmë një fitim të konsoliduar në nivelin e qindra milionëve, “ komentoi mbi rezultatet Karl Sevelda, Drejtor i Përgjithshëm i Raiffeisen Bank International.
 
Perspektiva
 
RBI parashikon që kreditë dhe paradhëniet bankare për klientët në 2014 të mbeten afërsisht në të njëjtin nivel me vitin e mëparshëm. Banka parashikon nje kërkesë neto per provigjione prej afërsisht 1,800 milionë € ne 2014, megjithatë rezultatet mund të ndikohen nga nje përkeqësim i mëtejshëm i situatës në Ukrainë dhe Rusi.
 
Në lidhje me programin e reduktimit të kostove të RBI, banka planifikon të reduktojë shpenzimet e përgjithshme administrative nën nivelin e vitit 2012 deri në vitin 2016. RBI synon të arrije një raport kosto/të ardhura ndërmjet 50 dhe 55 përqind deri në 2016. Kostot në 2014 parashikohet të jenë nën nivelin e 2013.
 
Për 2015 RBI parashikon një fitim të konsoliduar në nivelin e disa qindra milionëve. Banka synon për një kthim nga kapitali para taksës prej afërsisht 14 përqind dhe kthim nga kapitali të konsoliduar prej afërsisht 11 përqind në terma afat mesme.
 
* * * * *
* * * * *
 
Raiffeisen Bank International AG (RBI) i përket si Austrisë, ku është një korporatë dhe bankë investimi lider, ashtu edhe Evropës Qendrore dhe Lindore si tregu i saj. 15 tregjet e rajonit janë mbuluar nga bankat e filialit, përveç kesaj grupi ofron shërbime të specializuara financiare si në fushën e leasing-ut, menaxhimit të aseteve, bashkimet dhe blerjet.
 
RBI është e vetmja banke Austriake me prezencë në qendrat financiare botërore në Azi, një tjetër zonë gjeografike kjo në fokus e Grupit.
 
Në total, rreth 56,000 punonjës të RBI u shërbejnë rreth 14.6 milionë klientëve nëpërmjet 2,900 njësish biznesi, shumica e të cilave ndodhen në Evropën Qendrore dhe Lindore.
 
RBI është një filial plotësisht i konsoliduar i Raiffeisen Zentralbank Österreich AG (RZB). RZB zotëron në mënyrë indirekte 60.7 përqind të aksioneve dhe pjesa tjetër është e lirë. Aksionet e RBI janë të listuara në Bursën e Vjenës. RZB është institucioni qendror i Grupit Bankar Austriak Raiffeisen, grupi më i madh bankar në vend, dhe shërben si zyrë qendrore e grupit për të gjithë Grupin RZB, përfshirë RBI.

Redaksia Online
(Shqiptarja.com)

/Shqiptarja.com