Brukseli bujar me Ballkanin
Donatorët, 600 milionë Euro më shumë
Vendet donatore kanë dhënë më shumë fonde se ç'janë kërkuar në Paktin e Stabilitetit. Dje, në konferencën e donatorëve në Bruksel, është konfirmuar se shifra që është ofruar nga vendet donatore shkon në 2.4 miliardë euro për financimet 12-mujore.
(3/31/2000)Donatorët, 600 milionë Euro më shumë
Vendet donatore kanë dhënë më shumë fonde se ç'janë kërkuar në Paktin e Stabilitetit. Dje, në konferencën e donatorëve në Bruksel, është konfirmuar se shifra që është ofruar nga vendet donatore shkon në 2.4 miliardë euro për financimet 12-mujore. Ekspertët e Bankës Botërore dhe Bankës Evropiane të Investimeve kanë kërkuar edhe një javë kohë për të rishpërndarë këto financime, që do të jepen për projektet e paraqitura nga vendet e Ballkanit. Shqipëria në dy fazat e para ka 18 projekte me një shifër totale prej 430 milionë euro. Dje është mbajtur takimi i dytë i ekspertëve të 47 shteteve dhe 36 institucioneve ndërkombëtare. Dy ditë më parë ishte bërë takimi politik i konferencës së donatorëve në Bruksel. Të gjitha projektet e paraqitura nga Shqipëria janë miratuar. Ato janë 7 për fazën e parë 12-mujore, me një financim prej 112 milionë euro si dhe 11 projekte për fazën e dytë, me një financim perj 318 milionë euro, faza e dytë ka projekte 24-mujore. Ndërsa në Tiranë vazhdohet me hartimin e shpejtë të projekteve të tjera afatgjata, si në infrastrukturë, energji, zhvillim të biznesit dhe më gjerë.
Deklarata përfundimtare
Pas mbledhjes së ekspertëve është mbajtur deklarata përfundimtare, ku thuhet se "angazhimi i institucioneve donatore dhe financiare ishte më i madh sesa parashikohej. Ato ofruan 2.4 miliardë euro duke financuar kështu plotësisht paketën e fillimit të shpejtë prej 1.8 miliardë euro të paraqitura në konferencë, si dhe duke ofruar financime për të filluar përgatitjen e zbatimit të projekteve dhe të iniciativave që do të zbatohen në dy ose tre vjetët e ardhshëm. Kristofer Paten, komisioner për politikën e Jashtme në BE, ka rikujtuar angazhimin e BE për integrimin e vendeve të Evropës Juglindore në rrjedhat evropiane nëpërmjet procesit të stabilizimit dhe asocimit të Bashkimit Evropian.
Hombah: Fillim i mirë
Koordinatori special i BE për Paktin e Stabilitetit, Bodo Hombah, në përfundim të konferencës tha se "Pakti i Stabilitetit është një partneritet për një zhvillim afatgjatë dhe se Paketa për fillim të shpejtë për projektet dhe iniciativat rajonale të prezantuara në këtë konferencë ishte hapi i parë në drejtim të këtij synimi". Sipas Hombah, përgatitja e projekteve nuk solli vetëm përfitim ekonomik, por dhe rriti bashkëpunimin mes vendeve të rajonit të Evropës Juglindore. "Zbatimi i tyre do t'i nxisë më tej këto marrëdhënie", tha Hombah. Koordinatori i Paktit të Stabilitetit kishte hartuar më parë një listë të projekteve që do të kalonin për financim në dy fazat e para, dhe kishte parashikuar se do të jepeshin 1.3 miliardë euro, pas premtimeve të vendeve donatore shifra shkoi në 1.8 miliardë euro dhe dje përfundimisht është konfirmuar zyrtarisht se do të jepen 2.4 miliardë euro për këto projekte, ku dhe Shqipëria ka për të përfituar me projektet e saj.
Çfarë ishte vendosur
Një ditë më parë ishte mbajtur konferenca në nivel politik, ku ishin përcaktuar prioritetet si dhe angazhimet për të ardhmen. Ndërsa në fillim u tha se ishin teknikët ata që do të vendosnin në lidhje me projektet, në Bruksel politika luajti një rol të madh, vendet donatore dhanë shumë më tepër financime se parashikimet. Në takimin e parë politik, katër nga projektet e paraqitura nga vendet e Evropës Juglindore u quajtën më prioritaret. Një prej tyrë është Porti i Durrësit, i cili do të përfitojë 130 milionë euro dhe 50 milionë do të jepen që në fazën e parë. Gjithashtu në listën e projekteve prioritare është edhe ura mbi Danub, që lidh Rumaninë me Bullgarinë, rruga Zagreb- Budapest si dhe linjat e lidhjes së energjisë elektrike mes vendeve të rajonit. Po kështu Banka Botërore, në një dokument të shpërndarë, thekson se në kuadër të Paktit të Stabilitetit do të krijohet fondi i ndërmarrjeve ku do të përfitojnë vetëm Shqipëria, Maqedonia dhe Bosnje-Hercegovina dhe në të ardhmen do të përfshihet edhe Kosova. Dje ka mbyllur punimet konferenca e donatorëve, ndërsa ekspertët e Bankës Botërore do të vazhdojnë punën për ndarjen e financimeve të dhënë që kapin shifrën 2.4 miliardë euro për fazën.
//Shqiptarja.com
Sondazhi i ditës:
A duhet të lejohet mjeku të punojë njëkohësisht në spital publik e privat?
-
Po
12.3%
-
Jo
83.6%
-
Nuk e di
4.1%
Vota total: 3250
Votat totale janë unike
Lajme të tjera
-
‘Ambulanca që mori Kadarenë s’kishte kushte’, Brataj i përgjigjet botuesit: Mbase s’ke pasur syzet, trajtimin e mori sipas protokollit
3 Korrik, 14:56
-
Anastas Kostandini për Report TV: Ismail Kadare, një humbje për letërsinë botërore
3 Korrik, 14:52
-
'Hiqe kameran! Mos filmo!' Momenti kur Laert Haxhiu mbërrin në Kakavijë, U ekstradua sot nga Greqia! Shikoni pamjet
3 Korrik, 14:50
-
'Lamtumirë baba!' Mes lotësh, mbesa dhe nipi përcjellin Kadarenë për në banesën e fundit
3 Korrik, 14:23
-
'Homazhi më i mirë është të lexojmë veprat e tij', Fjalimet e dy vajzave të Ismail Kadaresë pranë varrit të tij
3 Korrik, 14:20
-
Pamjet satelitore tregojnë se si Kina po zgjeron bazat e përgjimit në Kubë
3 Korrik, 14:07
-
63-vjeçari u vetëvra para SPAK, PD: Trashaj u ‘helmua nga drejtësia e re’, të hetohet vdekja
3 Korrik, 14:03
-
Shkodër/ Asgjësohen 1679 bimë kanabis, në pranga një person, në kërkim 17-vjeçari
3 Korrik, 13:56
-
6 avionë privat me gratë dhe të dashurat e futbollistëve, leja e Southgate i kushton Anglisë 500 mijë euro
3 Korrik, 13:55
-
I dënuar përjetë për masakrën e Lushnjës, Laert Haxhiu ekstradohet nga Greqia (VIDEO)
3 Korrik, 13:31
-
Regjisori i njohur Oliver Stone për pushime në Shqipëri
3 Korrik, 13:29
-
63-vjeçari u vetëvra para SPAK, familja Trashaj në Lezhë hap dyert e mortit! Fqinjët: Njeri i respektuar
3 Korrik, 13:23