POP 5

Lajmet më të lexuara të 5 minutave të fundit

Dy avokatë shtyjnë seancën e Gaxhait

Gazmir Braka i njohur si një nga kapot e "suksesshëm" të vitit 1997, dje ka bërë "vizitën" e radhës në Gjykatën e Tiranës. Pavarësisht nga prania e "kapos", seanca në ngarkim të tij dhe shtatë të pandehurve të tjerë, të akuzuar për realizimin e një sërë veprash të rënda penale
TIRANE (4/12/2001) Gazmir Braka i njohur si një nga kapot e "suksesshëm" të vitit 1997, dje ka bërë "vizitën" e radhës në Gjykatën e Tiranës. Pavarësisht nga prania e "kapos", seanca në ngarkim të tij dhe shtatë të pandehurve të tjerë, të akuzuar për realizimin e një sërë veprash të rënda penale, nuk është bërë, pasi nuk janë paraqitur dy nga përfaqësuesit e mbrojtjes, Ferdinand Ndoja dhe Arqile Nini. Në këto kushte, gjyqtari Mehdi Bici ka vendosur për shtyrjen e seancës gjyqësore. Ndërsa është paraqitur Gaxhai me avokatin e tij Mark Pëllumbi, karriget e dy avokatëve të tjerë kanë ngelur bosh. Sipas burimeve nga Gjykata, procesi "Gaxhai" shoqërohet vazhdimisht me probleme të tilla, pasi bëhet fjalë për mbrojtjen e të pandehurve në mungesë (përjashtuar Brakën). Burimet në fjalë sqarojnë, se mungesa e avokatëve, këtë radhë nuk është për faj të tyre, pasi ata nuk janë njoftuar më parë për këtë. Ndërkohë që pohohet se qëndron dhe ana e tjetër e problemit, mbrojtja duke pasur në patronazh të pandehur në mungesë, ia "var" dhe respektimit të seancave gjyqësore. Dosja "Gaxhai" parashtron para trupit gjykues krime të rënda të kryera nga pjesëtarë të kësaj bande gjatë vitit 1997. Gazmir Braka dhe gjashtë të pandehurve të tjerë u atashohen disa akuza si: Vrasje, rrëmbim personi dhe vjedhje me dhunë. Banda "Gaxhai" është një nga emrat e "zinj" të 97-s, e cila po provon "fatin" e simotrave të saj, ndëshkimin e Drejtësisë.

//Shqiptarja.com
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

NBA/ Cleveland dhe Oklahoma ende të pamposhtur, Boston e Lakers rikthehen te fitorja

2 Nëntor, 13:21