VLORË- Disa ditë më parë Edi Rama i pastroi një nga fushat e sportit dhe e kritikoi jo pak, mirëpo kreu i Bashkisë së Vlorës, Dritan Leli nuk i mban inat kryeministrit, (të paktën publikisht), edhe pse është e qartë që marrëdhënia e tyre është krisur. Ai ka uruar të gjithë besimtarët myslimanë për festën e Kurban Bajramit. Pyetur nëse do ia uronte këtë festë edhe kryeministrit Edi Rama, ai tha “absolutisht po”, ndonëse kreu i qeverisë është katolik.

“Dua të uroj rastin nga xhamia në Bulevardin Ismail Qemali, të uroj të gjithë besimtarët gëzuar Kurban Bajramin. Aty që janë nga Vlora, që jetojnë në Vlorë, që kanë ardhur në Vlorë, të uroj ato besimtarë myslimanë që kanë ardhur të pushojnë në Vlorë, për të pushuar, që me siguri ky do jetë sezoni turistik më i i suksesshmi, gëzuar, shëndet, paqe dhe mbarësi”.

Ia uroni festën edhe kryeministrit Edi Rama?
-Absolutisht po

Krisja në marrëdhënien mes socialistëve dhe Dritan Lelit nisën para zgjedhjeve, e konfirmuar edhe nga kreu i qeverisë, Edi Rama i cili pohoi se i kishte bërë ftesën Lelit për deputet, por se ky i fundit nuk e kishte pranuar. Së fundmi, kryeministri Edi Rama e ka thumbur jo pak Lelin,  cili pak ditë më parë ai ishte në Vlorë, ku pastoi një nga fushat e sportit.