POP 5

Lajmet më të lexuara të 5 minutave të fundit

Opinion

Periferi

A kemi realisht frikë nga Monika Kryemadhi?

Pak vetë po e kuptojnë prej muajsh gjuhën irracionale të Monika Kryemadhit. Kërcënime, djegie, mafia, protesta... një fjalor prej "gjykatëseje ilegale"

A kemi realisht frikë nga Monika Kryemadhi?

Pak vetë po e kuptojnë prej muajsh gjuhën irracionale të Monika Kryemadhit. Kërcënime, djegie, mafia, protesta... një fjalor prej "gjykatëseje ilegale" që për fat të keq stonon në klimën shqiptare dhe me dëshirën e përgjithshme për t'u përmirësuar, e të gjithë bashkë të shkojmë në atë që ëndërrojmë prej kohëve të kohëve: në qytetërimin e Bashkimit Europian.

Nuk ka popull që më shumë se shqiptarët ka shprehur kaq hapur e qartë ëndrrën për përkatësinë europiane. E kanë bërë intelektualët tanë më të mirë, e bëjmë përditë me mikëpritjen dhe përqafimin e Perëndimit dhe të njerezve të tij.

Monika Kryemadhi e ka me Edi Ramën, dhe kjo është një gjë tipike shqiptare: O unë, o ai. Sa njohim në jetën tonë kolegë, miq, të afërm që në një moment debati e konflikti përfundojnë: O unë, o ai. Dhe shkatërrojnë, si të ishte një mallkim i stërgjatur për ne shqiptarët, çdo miqësi e bashkëpunim.

Kjo është e vetmja gjë që vazhdon të na rrëzojë edhe në momentet më të bukura të arritura: Inati. Perëndimit, jemi të "uritur" dhe  duam t'i marrim çdo të mirë: marrim shijen e kuzhinën, i marrim kollaj mjeshtëritë, tani po bëjmë tonat  rregullat, drejtësinë e shtetformimin... Nuk po arrijmë t'i marrim dot aftësinë e dialogut dhe tolerancën e të braktisim njëherë e përgjithmonë këtë dreq: O unë, o ai.

Kur përplasemi apo debatojmë me dikë, na erret mendja e sytë na erren e nuk arrijmë të dallojmë asgjë të mirë. Çdo gjë nxin.  E pas kësaj shohim vetëm shkatërrim.  E megjithatë, në këtë furtunë plot shi  e rrufe, edhe te Monika Kryemadhi dallohet konstruktivja që në rastin e saj mund të jetë një rifillim.

Ndryshe nga politikanët më ekstremistë që Shqipëria ka njohur, Monika Kryemadhi nuk është e tillë edhe në këtë moment ekstrem të karrierës së saj në politikë. Pavarësisht fjalës që thotë më të madhe se veprimet, ajo ka tiparet e një gruaja "të nxehur" shqiptare, që  e futur  e re e plot pasion në politikë, është e pajisur me elasticitetin e duhur për të qenë konstruktive.

Këtë mund ta konfirmojë kushdo që e ka njohur. Monika Kryemadhi, me gjithë "inatin" e saj, nuk mund të arrijë të jetë përjashtuese dhe mohuese si një pjesë e politikës që njohim mirë e bën përditë. Për shembull, jashtë kamerave nuk është agresive edhe me kundërshtarët e saj politikë, siç po e shohim këto kohët e fundit në publik. E vetme,  vazhdon të ketë një marrëdhënie korrekte edhe me gazetarët, pa dallim, pavarësisht mendimit dhe qëndrimit të ndryshëm politik. Ndryshe edhe nga dy "të rinjtë" të dalë nga gjiri i Sali Berishës, - si Rudina Hajdari, ashtu dhe Astrit Patozi, janë njësoj diskriminues si "babai" i tyre politik me ata që e mendojnë ndryshe, - kryegruaja e LSI-së vazhdon të mbajë një qëndrim profesional pa asnjë implikim personal  e hakmarrës me median.

Inatin "O Edi Rama, o unë" e mban deri tani vetëm me pushtetin politik. Vetëm kur do ta lerë pas krahëve dhe këtë "fiksim", ndoshta politika shqiptare do të ketë shanse të hyjë në një rrugë progresi, pa kthim: Kundërshtarë, por jo armiq. Të gjithë të fokusuar për progresin e Shqipërisë.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ylli: 27/04/2019 12:48

    O shoke ku jetoni? A nuk paskeni njohur asnjehere ne dibrane ?

    Përgjigju
  • besi: 27/04/2019 11:50

    ajo femer eshte bere ekstremiste po e shijon mire rolin e kryetarit dhe tani po lufton me te gjitha menyrat e saj ekstremiste qe te rrezoj qeverine dhe te arrij postin e kryeparlamentares ai tjtri kryeminister dhe kjo kryeparlamentare nuk e shikoni cfare gjuhe ka kur flet neper ekrani pa pike kulture eshte turp per ne qe ajo perfaqeson nje force politikee vetem te nderroje veshjet nga e here ne dite sikur del ne parade mode ajo femer duhet te largohet nga politika

    Përgjigju
  • Lajla: 27/04/2019 08:57

    E keni gabim zonja gazetare. Ajo eshte bere ekstremisht e frikeshme me ate fjalor aq banal sa edhe nje rrugace do e kishte zili. Nuk me duhet fare se si eshte me gazetaret, mos e ka nga frika qe ata dine gjithshka. Jo moj jo ajo po erdhi ne pushtet nje zot e di. Eshte veshtire te mos kesh frike nje grua me ate fjalor, per me teper qe nuk ka punuar asnje dite. Gjithe jeten ka kaluar duke share dhe ka patur ato perfitime. Tani kjo menyre eshte bere e brendeshme per te. Keshtu ajo duhet hequr nga politika me cdo mjet, pasi nuk dihet se cmund te presish nje dite.

    Përgjigju
  • Liri: 26/04/2019 22:22

    Po te dali lakuriq kemi frike

    Përgjigju
  • Amir: 26/04/2019 20:11

    Ta shpif. Nuk I shkon fare fjalori I rruges. Vetem se I humb pike vetes me injorancen e vet. Dikush duhet tja thote asaj, se pak rendesi ka, se si e Quan veten ajo, popullit (ose Bota) e njohin si gruan e te parit te vendit. Po keshtu eshte, kur bishti peshon me rende se sqepari. Ajo me kete sjellje turperon veten dhe familjen e vet. E mira do ishte qe te rrinte urte e te terhiqej fare nga politika. Nuk ka tru per asgje.

    Përgjigju
  • Like floriri: 26/04/2019 19:22

    Mos na perdhunon kena frige

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25