POP 5

Lajmet më të lexuara të 5 minutave të fundit

Sociale

"A pi ujë drejtësia!", protestë para Prokurorisë së Lezhës, banorët kërkojnë hetime për dy hidrocentrale: Ndërtohen me firma të falsifikuara

Banorët e Mirditës kundërshtojnë ndërtimin e dy hidrocentraleve ne fshatrat e tyre. Ata protestuan sot para Prokurorisë së Lezhës me pretendimin se prej 3 vitesh po zvarriten hetimet për falsifikimin e firmave. Shfrytëzimi i burimeve ujore për prodhimin e energjisë do të shkretojë tokat bujqësore.

Me moton “A pi ujë drejtësia!”, një grup banorësh nga fshatrat e Mirditës protestuan para Prokurorisë së Lezhës duke kërkuar të hetojë për falsfikimin e firmave që kanë bërë kompanitë private, të cilat po ndërtojnë dy hidrocentrale në fshatrat e tyre. Këta banorë në mënyrë të vazhdueshme kanë protestuar kundër ndërtimit të dy hidrocentraleve përkatësisht në Thirrë dhe Zall Gjocaj të Mirditës, por zëri i tyre nuk është dëgjuar. Ndaj betejën kësaj radhe e zhvilluan tek prokuroria, të cilën e akuzojnë se po zvarrit qëllimisht dy kallëzimet që ata kanë bërë për falsifikim.

“Para tre vitesh kemi paditur ata që kanë falsifikuar firmat e banorëve. Ekspertiza ka nxjerrë se kanë firmosur dhe për të vdekur e jo më për të gjallët. Ne i kërkojmë prokurorisë të hetojë”, tha Adem Gjokola banor i Zall Gjoçaj.

“Në 2021 iu drejtuam prokurorisë për falsifikim të firmave të banorëve. Në vitin 2022 po kështu zbuluam se janë bërë falsifikime për fabrikën e ujit. Ne kërkojmë drejtësi që ata të mos i pushojnë çështjet por ti çojnë në gjykatë”, tha Mat Hasan Pasha banor i Zall Gjoçaj.

“Unë jam prej 3 vitesh jam nëpër gjykata sepse HEC-et dhe fabrika e ujit po na dëmtojnë tokat. Për të qëndruar në fshat, me bagëti me bujqësi nuk mund të jetojmë pa ujë”, tha Mat Pashk Bajraktari banor i Thirrës.

Ata thanë se është provuar falsikimi i dokumentave, por organi i akuzës po i mban dosjet në sirtar, duke mos i marrë të pandehur përgjegjesit. Në mbështetje të tyre kanë dalë dhe banorë të Dibrës e Matit që mbrojnë të njëjtën kauzë.

“Privohemi nga vendi që na lanë trashëgim të parët. Nëse një vendit i heq ujin i heq të drejtën për të jetuar", Xhevdet Karriqi, banor i Dibrës.

“E bëjnë të pajetueshem fshatin dhe pastaj thonë pse ndodh shpopullimi?!- tha Edmond Miza banor i Matit,- duke shtuar se "fshatrat tona duhet të zhvillohen me bujtuna dhe jo të shpopullohen për shkak të mungesës së ujit”.

Burime nga Prokuroria e Lezhës, bëjnë me dije se në vitin 2021 është dorëzuar një kallëzim nga banorët e Thirrës per falsifikim dokumentesh nga kompania "Sang",  çështje që ështe ende në hetim. Ndërsa sa i përket Zall Gjocajt banorët kanë bërë kallëzim ne SPAK, dhe ky e fundit e ka tranferuar dosjen per hetim në Lezhë, në vitin 2022.

R.D//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vuçiç: Sa të jem unë president, nuk do ta njoh kurrë Kosovën

Vuçiç: Sa të jem unë president, nuk do ta njoh kurrë Kosovën

25 Dhjetor, 21:43