POP 5

Lajmet më të lexuara të 5 minutave të fundit

Kultura

Abstraksionizmi lirik i Admir
Përvathit

Piktori Admir Përvathi që nga paraqitjet e para  përpara opinionit artdashëse e deri më sot, me një mori ekspozitash në hapësirën receptuese shqiptare dhe me ndonjë prezantim jashtë kësaj hapësire, është përcaktuar për kultivimin e shprehjes figurative që në themele të saj ka abstraksionizmin piktural.
Piktori Admir Përvathi që nga paraqitjet e para  përpara opinionit artdashëse e deri më sot, me një mori ekspozitash në hapësirën receptuese shqiptare dhe me ndonjë prezantim jashtë kësaj hapësire, është përcaktuar për kultivimin e shprehjes figurative që në themele të saj ka abstraksionizmin piktural.

Ndërsa ky stil tashmë bashkëkohor, që do ta quanim kushtimisht  të trendit, në rastin e tij m mbështetet në një formë të defiguracionit  që mbetet në një nivel të ballafaqimit me shpërthimet emocionale të racionalizuara  e harmonizuara estetikisht,  aq sa të krijojnë iluzionin e logjikes së lojës kreative, të shumtën mbi bazën e kontrastit të theksuar të  kolorit dhe dimensioneve emocionale. Herë-herë në lojën  kreative me valerin dhe   të tonaliteteve që pikturën e tij ë bëjnë vërtet një vepër të pastër muzikore, përbrenda e ka edhe ritmin edhe melodinë muzikore,  të mpiksur deri në emocion sublim  të tonit.

Mbi këtë përvojë krijuese të zhvilluar dhe evoluar pa zigzage të mëdha  Përvathi junior këmbëngul në puritanizëm abstraksionist - thellësisht lirik, që kap hijezimet më subtile të lojës më ngjyrën dhe rrezatimin, që ajo krijon përmes pllohave apo “leckave”, gjurmëve  koloristike që sajojnë një konfigurim estetik emocionues që në thelb ka zbërthimin e drithërimave emocionale asociative që në fund të lënë në magjinë e bukur të kësaj loje.

Në këtë formë absrakcioni të formave e  përvoje vizuale,  zbërthehet me një formë rikujtimi dramatik  pamjesh  që në optikën e krijuesit defigurohen  e konfigurohen deri në silueta, duke e ruajtur kontaktin asociativ me peizazhin abstrakt,  fytyrën e figuracionin ekspresiv abstrakt  që vetëm asociativisht mund të sugjerojë një korrelacion  komunikimi. Kjo mënyrë e krijimit sinkretizon përvojën moderne të  informellit dhe artin e aksionit, duke materializuar artistikisht  ekspresionizëm abstrakt lirik.

Teknika e preferuar është akriliku, që në paletën e tij është e kërkuar, më shtresime kromatike që krijojnë nuanca prore befasuese në “lojën kreative” sa të kapin e shpalosin momente shumë emocionuese. Në kompozicionet  e  larmishme drama zhvillohet në fokus të pikturës  përmes gjurmëve kontrasteve ndërsa  hapësira përreth disi bëhet më e qetësuar, po prore duke e bartur jehonën e tingullin kumbues  të ngjyrës.  Admir Përvathi e zotëron dramën emocionale  dhe e estetizon deri në ndjenjë të kërkuar e të diferencuar, që mund të cilësohen  si disponime dhe emocione të saktësuara.

Ndoshta, po të bëhej   emërtimi i pikturave mbi këtë parim,  ato do të kishin edhe  titullin , që do ta bënin më të lehtë të komunikonim me  secilën vepër më të diferencuar për nga veçantia tematike e  motivi i trajtuar, dhe do të mund t´i qaseshim e shpalosnim aspektet e vlerat më  konkretisht.  Kësisoj të prezantuara, i tërë opusi krijues të duket si një vepër e tërë simfonike  në forma e ngjyra që të provokon e  begaton gjatë procesit receptues interpretues  me momente e emocione nga më të ndryshmet.

Ato pleksin  përvojë sublime njerëzore dhe estetike me format  e kapura në një defragmentim e thjeshtëzim formash të lira dhe të konfiguruara  lirshëm  për të ruajtur thelbin emocional transformues e perceptues. Transparenca e ngjyrave komplementare dhe suplementare  me intensitet  kontrastik  dhe valeristik zotërohet nga intuita dhe  dora e autorit  që të mos shkarë në dekorativizëm pa  porosi dhe emocion të estetizuar . Ky mbushullim e rrezatim emocional e bënë pikturën të jetë më individuale dhe autentike që duket se kushtëzohet shume herë nga rrethanat dhe momenti i krijimit.

Lirizmi abstrakt i Admir Përvathit në këtë fazë  mëton të mbërrijë  kulmin e vet hulumtues e krijues,  që ende e përballon ambicien e mos shkarjes në variacione përsëritëse skematizuese dhe më këtë përvojë gjithsesi që me kohë  do të provohen të pushtohen edhe hapësira të tjera të artit figurativ abstrakt. Një kumt të tillë më duket se e dhënë edhe seria e veprave që aktualisht po prezantohen e po paraqitën përpara opinionit.
Horizonti krijues i Admir Përvathit është i hapur i kaltër dhe i larmishëm dhe premtues siç është edhe horizonti në shumë piktura të autorit.

admir pervathiadmir pervathi





































Shkrimi u botua në Shqiptarja.com (print) në 8 qershor 2014

Redaksia Online
(d.a/shqiptarja.com)  

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

1 mijë tonë naftë kontrabandë në Porto Romano, lihen në burg kapitenët e dy anijeve

1 mijë tonë naftë kontrabandë në Porto Romano, lihen në burg kapitenët e dy anijeve

15 Janar, 18:24 nga Artur Korriku