Deputeti i PS-së Erion Braçe kërkon nga konkurrenca të rinisë hetim për tregun Agro-ushqimor të Tiranës, për abuzim me pozitat dominuese, si dhe të marrë masa për të velur gjobën e 2018-ës që kjo kompani nuk e ka paguar. Po ashtu Kuvendi i ka kërkuar Autoritetit të konkurrencës të nisë hetim për produktet e shportës, spitalet private e industrinë e turizmit.
“Tregu më i madh në vend i produkteve bujqësore është hetuar. Madje është gjetur fajtor, i është vendosur gjoba, po pse nuk e filloni nga arkëtimi i gjobës? Pse nuk e filloni nga fakti që ai ka refuzuar të zbatojë vendimet e Konkurrencës. Atje ka një gjendje thuajse shtrënguese për çdo tregtar që është aty. Shkoni tek KLODI, ua mban??”, thotë Erion Braçe.
Kompania EKMA që administron tregun Agroushqimor të Tiranës, në vitin 2018 është gjobitur 46 milionë lekë për shkak të abuzimit me pozitën dominuese dhe për shkelje të rregullave të konkurrencës me qiradhënien e ambienteve për tregtarët dhe abuzimet me çmimin e dritave dhe ujit. Por edhe pse nga gjykatat e lanë në fuqi këtë gjobë, EKMA ende nuk e ka paguar. Ndërkohë deputeti socialist thotë se ky hetim i nisur nga Autoriteti nuk e kthen konkurrencën e drejtë, pasi tregu i produkteve të tjera ushqimore nuk po hetohen.
“Po bëni populizëm nuk po riktheni konkurrencën e drejtë në treg sepse po të donit të merreshit me konkurrencën e ndershme, do e fillonit nga çmimi i grurit, i miellit për bukë dhe bukës vetë”, thotë Erion Braçe.
Kjo kërkesë e Braçes, e bërë edhe më herët në Kuvend e Komisione Parlamentare dhe është edhe pjesë e rezolutës me detyrat që duhet të përmbushë Autoriteti i Konkurrencës për këtë vit.
Në rezolutën që tashmë është publikuar në Fletoren Zyrtare, Kuvendi i kërkon Autoritetit të Konkurrencës të nisë hetim për tregun e produkteve të shportës, që nuk kanë qenë objekt hetimi në 5 vjetët e fundit.
Po ashtu kuvendi ka kërkuar të nisë monitorimi i ndërmarrjeve që operojnë në industrinë e turizmit, si dhe nisja e hetimit në tregun e shërbimit spitalor privat dhe tregun e çimentos. Gjithashtu në rezolutë kërkohet që Konkurrenca të marrë masa për një konkurrencë efektive në shërbimet bankare digjitale për tarifat dhe komisionet e bankave si dhe stë monitorojë tregun e sigurimeve.
Kuvendi i Shqipërisë në rezolutën për vitin 2024, me rekomandime për Autoritetin e Konkurrencës, i ka kërkuar këtij të fundit të nisë hetimet për çmimet e produkteve të shportës, me argumentin se u bën 5 vite që mbi këtë treg nuk ushtrohen monitorime dhe hetime. Rezoluta e miratuar në seancën e 25 korrikut e publikuar tashmë në Fletoren Zyrtare, ka 5 kërkesa për hetime tregjesh për këtë vit, ku përveç ushqimeve, kërkohet hetim për tregun spitalor.
Edhe në komisionet parlamentare Konkurrencës i janë kërkuar sqarim pse ende s’ka hetim për spitalet private përsa kohë ka qenë pjesë e rezolutave të kaluara?
Në Komisionin e Ekonomisë, më 5 qershor 2025 drejtuesi i Konkurrencës Denar Biba deklaroi se institucioni nuk ka nisur hetim për spitalet private pasi nuk mund ta vërtetojnë nëse ka apo jo abuzim sepse s’ka çmime reference për shërbimet e tyre. Sipas tij e vetmja metodë për të nisur një hetim mbi këtë treg, është duke ballafaquar çmimet e spitaleve private në Shqipëri me ato të rajonit.
Pjesë nga rezoluta...
Kuvendi i Shqipërisë kërkon që Autoriteti i Konkurrencës për vitin 2024, në përmbushje të detyrave të ngarkuara me ligj, të angazhohet veçanërisht edhe në këto drejtime:
1. Autoriteti i Konkurrencës duhet të vijojë të përforcojë zbatimin e rregullave të konkurrencës, me qëllim që të ndihmojë në sigurimin e një tregu më të drejtë dhe konkurrues në Shqipëri, duke mbrojtur interesat e konsumatorëve dhe duke nxitur një mjedis të shëndetshëm të biznesit, me qëllim:
a) monitorimin e ndërmarrjeve që operojnë në industrinë e turizmit;
b) sigurimin e një konkurrence efektive në tregun e shërbimeve bankare digjitale nëpërmjet monitorimit të tarifave dhe komisioneve të shërbimeve bankare;
c) sigurimin e një konkurrence efektive duke vijuar monitorimin e tregut të sigurimeve;
ç) sigurimin e një tregu të drejtë dhe konkurrues për produkte të shportës, që nuk kanë qenë objekt hetimi në 5 vjetët e fundit.
d) të vijojë me procedurat e monitorimit dhe hetimit në tregun e shërbimit spitalor privat dhe tregun e çimentos në përputhje me rezolutën e vitit 2022.
2. Të hartohet një raportim i detajuar për përmbushjen e rekomandimeve të rezolutave të Kuvendit për të siguruar transparencë më të madhe dhe vlerësim më të saktë të përmbushjes së rekomandimeve.
3. Të sigurohet që procedurat hetimore dhe monitorimet të përfundojnë në kohë të arsyeshme, me qëllim zgjidhjen e problematikave pa humbur aktualiteti, për çështje që kanë një ndikim në mirëqenien e konsumatorit.
4. Të rritet bashkëpunimi ndërinstitucional me në fokus Kontrollin e Lartë të Shtetit dhe Komisionin e Prokurimit Publik për të siguruar përmbushjen e rekomandimeve të dhëna dhe për të adresuar çështjet e konkurrencës në mënyrë më efektive. Të reflektohet gjendja e zbatimit të rekomandimeve në Platformën Ndërinstitucionale Online.
5. Të krijohet një sistem i menaxhimit të informacionit që të përmirësojë qasjen dhe përdorimin e të dhënave në mënyrë efektive dhe efikase. Të krijohet një sistem për trajtimin e ankesave të konsumatorëve dhe biznesit lidhur me praktikat antikonkurruese dhe për ndjekjen e zbatimit të rekomandimeve.
6. Të fillojë puna për hartimin e një dokumenti strategjik afatgjatë “Politika e Konkurrencës” për monitorimin e tregjeve kryesore dhe të një plani veprimi me indikatorë të qartë e të matshëm.
7. Të rritet transparenca dhe llogaridhënia në veprimtarinë e Autoritetit të Konkurrencës përmes publikimit të raporteve periodike, analizave të detajuara, statistikave të përditësuara në formate miqësore për publikun, njoftimeve të qarta dhe vendimeve të mirargumentuara.
8. Të vijojë përafrimi i kuadrit nënligjor me standardet dhe praktikat e Bashkimit Evropian, të ketë një rol proaktiv në advokacinë e konkurrencës dhe vijimin e trajnimit të stafit të ri dhe atij ekzistues.
Lajme të tjera
-
'Nuk dogjëm selinë e PS, thjesht hodhëm molotov', Braçe i përgjigjet deputetes së PD: E thotë sikur ka hedhur oriz në dasmë! Kuptoni gjë ju?
16 Tetor, 10:33 -
Miratohet projektrezoluta, KLSH do të bëjë publik planin e auditimit, kohëzgjatjen dhe audituesit! Debate mes socialistëve për transparencën e institucionit
15 Tetor, 16:15
-
Dështon sërish Hetimori i Shëndetësisë, Vokshi kërkesë Spiropalit për zëvendësimin e Ndrecës dhe ndëshkimin e 3 deputetëve: Do bëjmë dhe kallëzim penal
11 Tetor, 10:18 -
‘O dreq, boll bërtite’, sherri te Hetimori i Shëndetësisë shqetëson Braçen! Deputeti i PS futet në mbledhje: Kam zyrën ngjitur
9 Tetor, 12:10 -
Mazhoranca ‘sherr’ për transparencën e KLSH-së, Braçe: 10 muaj një kontroll! Duhet afat për auditimet! Gjini: Cënohet pavarësia
8 Tetor, 20:28
-
Braçe ironizon protestën e opozitës: Thonë sot është për jetë a vdekje! S’kemi ndërmend t’i vrasim, këta protestuesit i kanë vrarë çdo herë
7 Tetor, 17:16 -
Audioregjistrimi i urdhrit për të qëlluar drejt protestuesve më 21 janar, Braçe: Barbarë, të njëjtët që vijnë me benzinë për të vrarë
4 Tetor, 14:10 -
'Ne nuk kemi hyrë kurrë me benzinë në parlament', Braçe ironizon: Në sallë shahen nga mëngjesi në darkë, te klubi pastaj të gjithë puthen (VIDEO)
3 Tetor, 10:44 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Kaosi i PD në Kuvend/ Erion Braçe në 'Studio Live': Një njeri që hyn në Parlament me benzinë nuk vjen për të folur për demokracinë por për të vrarë
1 Tetor, 17:35 -
Bardhi hodhi drejt Spiropalit këmbën e karriges, Braçe: Kështu ulërinin dhe më 21 janar, ‘bjerini’! Këta kanë vrarë njerëz, pse nuk vepron SPAK?
30 Shtator, 19:20 -
Deputetët e PD sende të forta drejt Spiropalit, Braçe: Iu rrezikua jeta, të merren masa! Këta kanë vrarë njerëz në mes të Bulevardit
30 Shtator, 17:21
