POP 5

Lajmet më të lexuara të 5 minutave të fundit

Kronikë

Miratoi i vetëm tenderin për riparimin e ashensorit në spitalin e Lushnjës, dërgohet për gjykim përgjegjësi i Teknikës! Nën akuzë për shpërdorim detyre

Prokuroria pranë Gjykatës së Shkallës së Parë të Juridiksionit të Përgjithshëm Fier dërgon në gjyq shtetasin N.B për ‘Shpërdorim Detyre’ parashikuar nga neni 248 i Kodit Penal.

Miratoi i vetëm tenderin për riparimin e ashensorit në spitalin e Lushnjës, dërgohet për gjykim përgjegjësi i Teknikës! Nën akuzë për shpërdorim detyre

Prokuroria e Fierit

FIER- Prokuroria e Fierit ka dërguar për gjykim Përgjegjësin e Teknikës dhe Hotelerisë në spitalin ‘Ihsan Çabej’ në Lushnjë nën akuzën për shpërdorim detyre. Në njoftimin e Prokurorisë së Fierit, sqarohet se përgjegjësi i Teknikës së spitalit ka dhënë një tender për riparimin e ashensorit në shkelje të ligjit.

Procedimi penal është regjistruar më datë 22 shtator 2022, mbi bazën e një raporti auditi të Ministrisë së Shëndetësisë për spitalin ‘Ihsan Çabej’. Sipas këtij raporti auditi ka rezultuar se përgjegjësi i Teknikës N.B., ka kryer procedurën e prokurimit me objekt “Riparim shërbim ashensori”, në shumën 468.000 lekë të reja.

Por këtë procedurë e ka kryer në shkelje, pasi rezulton sipas Prokurorisë se ai ka qenë edhe anëtar në Komisionin e Prokurimeve dhe të gjithë praktikën për dhënien e tenderit e ka kryer i vetëm, në kundërshtim me ligjin dhe përmbushjen e rregullt të detyrës. Ende nuk bëhet me dije se cila ka qenë kompania që ka përftuar tenderin për riparimin e ashensorit në spital.

“Në kuadër të hetimeve të procedimin penal nr.566 datë 22.09.2022, të regjistruar mbi bazën e raportit të auditit të Ministrisë së Shëndetësisë për auditimin e kryer në Spitalin “Ihsan Çabej”, Lushnjë, rezultoi se shtetasi N.B., me detyrë Përgjegjës i Teknikës dhe Hotelerisë ka kryer procedurën e prokurimit me objekt “Riparim shërbim ashensori”, në shumën 468.000 lekë.

Ky shtetas me detyrë funksionale si anëtar në komisionin e prokurimeve ka kryer i vetëm praktikën përkatëse të prokurimit, në kundërshtim me ligjin dhe përmbushjen e rregullt të detyrës”, njofton Prokuroria e Fierit.

Në përfundim të hetimeve, prokuroria thotë se përgjegjësi i Teknikës N.B ka vepruar në kundërshtim me ligjin dhe në kundërshtim me detyrën dhe për këtë shkak ngriti akuzën për veprën penale “Shpërdorimi i detyrës”, dhe e dërgoi për gjykim.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Plan 5 vjeçar për luftën ndaj informalitetit! Tatimet: Goditje punës së zezë dhe pagave të nëndeklaruara

Plan 5 vjeçar për luftën ndaj informalitetit! Tatimet: Goditje punës së zezë dhe pagave të nëndeklaruara

27 Dhjetor, 15:29 nga Eliza Gjediku