POP 5

Lajmet më të lexuara të 5 minutave të fundit

Ekonomi

Aeroporti i Kukësit/ Zgjidhet mbikëqyrësi i punimeve! Oferta: 175. 4 milionë lekë pa TVSH

Është shpallur kompania fituese e cila do të mbikëqyrë zbatimin e kontratës koncesionare për përfundimin e ndërtimit të Aeroportit të Kukësit. Instituti i Konsulencës në Ndërtim është vlerësuar si kompania më e suksesshme me një ofertë prej 175. 4 milionë lekësh pa TVSH. Në garë u paraqitën 4 oferta, ku 3 ishin bashkime operatorësh.

Kompania Instituti i Konsulencës në Ndërtim IKN është shpallur fituese për tenderin për Shërbime inxhinierike të pavarura për zbatimin e kontratës koncesionare/PPP për rehabilitimin, operimin dhe transferimin e Aeroportit të Kukësit. Njoftimi është bërë i ditur në buletinin e APP-së, ku thuhet se në garë morën pjesë katër kompani ku tre ofertat e para ishin bashkime kompanish.

Fondi limit për këtë kontratë ishte 175. 4 milion lekë pa TVSH, dhe oferta e bërë nga kompania në fjalë IKN ka ofruar të njëjtën vlerë dhe është vlerësuar me 94.1 pikë, duke u identifikuar si oferta e suksesshme. Kompania e shpallur fituese do të monitorojë zbatimin e kontratës koncesionare të ndërtimit të  aeroportit të Kukësit, duke mbikëqyrur zbatimin e punimeve.

Aeroporti i Kukësit është i dyti që po ndërtohet në vend dhe është parashikuar të funksionojë si aeroport për fluturimet low cost, nga i cili do të mund të udhëtojnë rreth 300 mijë pasagjerë në vit, siç ka deklaruar edhe Ministria e Infrastrukturës.

Për këtë vendim sipas APP nuk ka pasur ankesa, dhe në rast se kompania fituese vendos të tërhiqet nga nënshkrimi i kontratës, do t’i konfiskohet sigurimi i ofertës bazuar në ligjin “Për prokurimin publik”, i ndryshuar.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bedriu: 10/02/2020 21:32

    E verteta eshte qe Naltgjatesia e tij, urdheroi anullimin e firmes fituese dhe caktimin me urdher te nje firme tjeter te pamerituar. Kjo eshte e verteta e hidhur. Prandaj ka te drejte Lubonja qe kerkon qe KCK te filloje nga pesahqit e medhenj e pastaj cironkat

    Përgjigju
  • redi: 10/02/2020 17:27

    Ndertimu i aeroportit te Kujesit ne koncension PPP eshte nje nga historite komike te tranzicionit ekonomik shqiptar .Dhurate nga UAE me vlere 20 milion dollar i ipet privatit per 30 vjet se do investoj 8 milion dollar .Hajde kaps ekonomie hahde.Kete investim mukroskopik mund ta bente shteti dhe u vilte ai te ardhurat.Keshtu nuk mbushet arka e shtetit por boshatiset.SPAKU duhet te hetoj kete investim jo me leverdi pet shtetin.Rama nuk eshte sicialist por neo liberal qe mb3shtet vetem privatin.Doni fajte shikoni te gjitha kobcensionet dhe do shikoni se cfar te mira i sjellin shtetit .Zero

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Kryeministri spanjoll mendon dorëheqjen ndërsa bashkëshortja akuzohet për korrupsion, Rama: Mos u dorëzo, e vërteta do mbizotërojë

Kryeministri spanjoll mendon dorëheqjen ndërsa bashkëshortja akuzohet për korrupsion, Rama: Mos u dorëzo, e vërteta do mbizotërojë

25 Prill, 22:29