POP 5

Lajmet më të lexuara të 5 minutave të fundit

Ekonomi

Afati i ligjit për investimet strategjike ka përfunduar më 31 dhjetor, Mete: Është propozuar shtyrje, po punohet për draftin e ri

Më 31 dhjetor 2023 ka përfunduar afati i ligjit për investimet strategjike, por Ministri i Financave zbuloi pas pyetjes së bërë nga REPORT TV se afati i këtij ligji do të shtyhet por pa zbuluar më shumë detaje se kur do të jetë afati tjetër përfundimtar. 

“Investimet strategjike ka një propozim deputeti në parlament për të bërë disa ndryshime që lidhen me nivelin e atyre që konsiderohen investime strategjike, por edhe me aspektin operacional të ligjit por edhe me shtyrjen e afatit.”, tha Mete. 

Ligji për investimet strategjike i cili u miratua në vitin 2015 dhe parashikon një lehtësi për bizneset që aplikojnë për investime dhe marrin statusin e investitorit strategjik. Afati i tij përfundoi në dhjetor 2021, por u shty nga Kuvendi për në fund të vitit që lamë pas.

Ministri po ashtu tha në konferencë se po punohet edhe për një ligj të unifikuar të investimeve të huaja e strategjike. 

“Ligji i unifikuar i investimeve ka kohë që diskutohet, synimi është që të përditësohet një ligj i investimeve të huaja i viteve ‘90 dhe të harmonizohet me ligjin e investimeve strategjike me kërkesat që na vijnë nga be, në mënyrë që për çdo investitor të ketë një panoramë të plotë të aspekteve ligjore në mbrojtje të tij”, tha Mete.


Lajmi kryesor:

Ministri i Financave: Në mesin e 2024 rritje e konsiderueshme e pagave! Do shohim skemën e pensioneve! Shtyhet përsëri afati për ligjin e investimeve strategjike
S.G/r.k./Shqiptarja.com
  • Sondazhi i ditës:

    1 maji, a respektohen të drejtat e punëtorëve në Shqipëri?

Lajme të tjera



×

Lajmi i fundit

'Po ku ka si ty o Shqipëria ime'/ Emigrantët e kthyer po realizojnë ëndrrën në atdhe, Rama njofton turin me shqiptarët në Europë

'Po ku ka si ty o Shqipëria ime'/ Emigrantët e kthyer po realizojnë ëndrrën në atdhe, Rama njofton turin me shqiptarët në Europë

2 Maj, 08:24