Afati për akuzën ndaj Thaçit, vihet në lëvizje faktori politik kosovar

Kanë kaluar 6 muaj që nga bërja publike e akuzave për krime lufte ndaj presidentit të Kosovës Hashim Thaçi e megjithatë, ende nuk është shpallur një vendim. Përfundimi i afatit  të Gjykatës Speciale për të konfirmuar ose hedhur poshtë aktakuzën  ndaj presidentit kosovar ka vënë në lëvizje faktorin politik në Kosovë.

Ramush Haradinaj,  Fatmir Limaj dhe  Isa Mustafa  kanë zhvilluar takime për të qenë gati në rast se do të nevojitet një emër i ri për zyrën presidenciale,megjithatë asgjë nuk është bërë publike për publikun e gjerë.

E ndërkohë të gjithë presin verdiktin e gjykatës, juristët në Kosovë thonë se ajo nuk e ka të detyrueshme të shprehet kur mbaron afati ligjor, por mund ta bëjë publik vendimin kur i akuzuari paraqitet në gjykatë, ose nga frika se i akuzuari mund t’i fshihet drejtësisë. 

E ndërkohë të gjithë presin regimin e presidentit ai vijon të heshtë, në pritje të verdiktit.

TAG:
• Thaçi
• gjykata speciale ne hage