Komandanti Agim Ramadani dhe dëshmorët e tjerë do të donin që Kosova të ketë Forcën e Armatosur e cila do ta mbronte gjithë territorin e Kosovës. Kështu ka thënë ministri i FSK-së, Haki Demolli, në Akademinë kushtuar heroit Agim Ramadani. Ai ka thënë se Agim Ramadani, përveç që ishte strateg, morri pjesë edhe në shumë beteja.

"Të gjitha virtytet që kishte Agim Ramadani tregojnë se ai kishte ide dhe ishte trim", ka thënë Demolli. Ai përgatiti ushtarët e lirisë për luftën në Koshare dhe rëndësinë që kishte thyerja e këtij kufiri.
Institucionet e Kosovës, sipas tij, po angazhohen për ngritjen e mirëqenies së gjithë pjesëtarëve të UÇK-së. Kurse, në emër të familjes, Lorina Agim Ramadani ka thënë se tash duhet të vazhdojë lufta për zhvillimin dhe ndërtimin e Kosovës./Kosovapress/ /atsh/