POP 5

Lajmet më të lexuara të 5 minutave të fundit

Kronikë

Shëndeti

Agjencia e Barnave: Spitalet private nuk kanë certifikim për të bërë analizat mbi koronavirusin

Edhe doktoreshë Silva Bino, shefe e departamentit të sëmundjeve infektive në ISHP u shpreh dy ditë më parë  se deri tani është certifikuar vetëm laboratori në ISHP, ndërsa po punohet për dy të tjerë, në QSUT dhe te 'Shefqet Ndroqi' ndërsa për spitalet private theksoi se ende nuk asnjë vendim.

TIRANE - Zyrtarisht asnjë spital privat në Shqipëri nuk mund të kryejë analiza për diagnostifikimin e COVID-19, pasi i vetmi laborator i certifikuar deri më tani për të bërë analizën që zbulon nëse je i prekur apo jo me koronavirus është në Institutin e Shëndetit Publik.

Agjencia Kombëtare e Barnave dhe Pajisjeve Mjekësore deklaroi sot se deri më tani nuk ka lëshuar asnjë certifikatë regjistrimi për reagentët In Vitro për subjektet private, për diagnostikimin e COVID-19 për subjektet private.

Pra, kjo agjenci thotë se nuk i ka dhënë leje asnjë spitali privat për të kryer analizat. Megjithatë, në Shqipëri ka spitale private që e kryejnë këtë analizë, që nga reagimi zyrtar i Agjencisë Kombëtare të Barnave dhe Pajisjeve Mjekësore, qartazi lihet të kuptohet se analizat në spitale private po kryhen pa leje, pikërisht se nuk janë të certifikuar.

Edhe doktoreshë Silva Bino, shefe e departamentit të sëmundjeve infektive në ISHP u shpreh ditë më parë  se deri tani është certifikuar vetëm laboratori në ISHP, ndërsa po punohet për dy të tjerë, në QSUT dhe te 'Shefqet Ndroqi' ndërsa për spitalet private theksoi se ende nuk asnjë vendim.

"Përsa i përket spitaleve jo publike ende nuk ka një vendim. Komiteti është duke e vlerësuar mënyrën se si do të operojnë këto spitale dhe si do ta ofrojnë këtë testim nëse do të munden mbas procesit të verifikimit dhe vlerësimit" tha ajo. Pra, spitalet private nuk janë certifikuar për të kryer analizat mbi koronavirusin.

Reagimi i Agjencisë Kombëtare të Barnave dhe Pajisjeve Mjekësore

Duke u bazuar në Ligjin Nr. 89/2014 “Për Pajisjet Mjekësore”; VKM Nr.89 datë 09.03.2016 “Për Kërkesat Thelbësore, Markimin CE dhe Vlerësimin e Konformitetit të Pajisje Mjekësore Diagnostikuese In Vitro”  si dhe në Urdhrin Nr. 734 datë 18.10.2018 “Për disa ndryshime në Urdhërin nr. 360 datë 22.08.2016 të Ministrit të Shëndetësisë dhe Mbrojtjes Sociale, “Mbi Procedurat dhe Rregullat për Regjistrimin e Pajisjeve Mjekësore Ndryshimet dhe Anulimin e Regjistrimit të tyre, Dokumentacionin e Nevojshëm dhe Kostot Përkatëse” i ndryshuar me Urdhër Nr. 734 datë 18.10.2018, Agjencia Kombëtare e Barnave dhe Pajisjeve Mjekësore deri më tani nuk ka lëshuar asnjë Certifikatë regjistrimi për Reagentët In Vitro për subjektet private, për diagnostikimin e COVID-19.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Analist: 31/03/2020 17:05

    Ligji parashikon gjobe per tregetimin dhe perdorimin e materialeve mjekesore apo reagenteve te paregjistruar. Pyes a i keni vene gjobe ketyre zoterinjve? Apo nuk ua mban....

    Përgjigju
    • Pacienti: 31/03/2020 21:23

      Pyetje me shume vend, madje duhet te deklarohet cafre eshte konstatuar dhe shuma e gjobes qe eshte vendosur.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

25 Dhjetor, 16:43