Sot u mbushën 5 vite nga krijimi i Agjencisë Kombëtare të Mbrojtjes Civile (AKMC), teksa në mjediset e reja në garnizonin “Skënderbej” në kryeqytet u përurua edhe shtëpia e re për këtë institucion që ndodhet nën varësinë e Ministrisë së Mbrojtjes.
I pranishëm ceremoni sot (10 Dhjetor) ishte edhe ministri i Mbrojtjes Pirro Vengu, i shoqëruar nga drejtori i kësaj agjencie Haki Çako, përfaqësues të vendeve donatore, si dhe përfaqësues të institucioneve që kanë rol në përballimin e emergjencave dhe fatkeqësive.
Vengu e vlerësoi ngritjen dhe modernizimin e kësaj qendre si shumë të rëndësishme dhe si një hallkë thelbësore në përballimin e emergjencave.
“Dua që të falenderoj të gjithë stafin e Ministrisë së Mbrojtjes, Forcave të Armatosura që në bashkëpunim me AKMC kanë arritur që të krijojnë këtu një kapacitet kombëtar dhe jo vetëm, një sallë që i shërben një institucioni, por një sallë që i shërben të gjitha institucioneve në rang republike, të përfshira në përballimin e fatkeqësive dhe të gjitha nevojat për kërkim-shpëtimin”, tha ministri.
Ai shtoi se gjithashtu është në proces dhe për pak ditë do të auditohet nga të gjitha organet përkatëse ndërkombëtare rregullatore dhe kapaciteti shqiptar për kërkim-shpëtimin, sipas rregullores që ka përcaktuar ICAO (Agjencia Ndërkombëtare e Aviacionit Civil) për këto raste.
Më tej do vlerësohet se si janë ndërtuar kapacitetet për t’iu vënë në dispozicion prefekturave, infrastrukturës kritike, enteve apo Forcës Ajrore.
Më tej, ministri Vengu vuri në dukje kontributin e AKMC në përballimin e fatkeqësive gjatë viteve të fundit dhe kërkoi që roli i kësaj agjencie të shpërndahet edhe më gjerë në territor.
“Mbaj mend shumë mirë të gjitha fatkeqësitë që kemi kaluar nga tërmeti dhe deri më sot dhe është mirë në fakt që AKMC është rritur përmes trajtimit të krizave që besoj e ka bërë sot një institucion, i cili është në qendër të Mekanizmit të Mbrojtjes Civile me të gjitha instrumentet teknologjikë dhe tani ka ardhur momenti që këtë sallë shembullore qoftë në organizim, qoftë në teknologji le të fillojmë pse jo ta shtrijmë në kapacitete dhe në ato katër njësi rajonale, ku AKMC ka personel dhe duhet ta forcojmë më tej, që të prezantohet në të gjithë territorin”, u shpreh ministri, duke falenderuar edhe donatorët.
Drejtori i AKMC-së Haki Çako shtoi se Qendra Kombëtare Operacionale e Emergjencave Civile përveçse operon në kohë reale me Qendrën e Kërkim - Shpëtimit dhe gjithë strukturat dhe institucionet në nivel kombëtar e vendor, do të mikpresë edhe Komitetin Ndërministror të Emergjencave Civile.
Nga ana e saj, Stefania Vizzaccaro, drejtoresha e Agjencisë Italiane për Zhvillim dhe Bashkëpunim si financuese kryesore e ngritjes dhe modernizimit të e Qendrës Kombëtare Operacionale të Emergjencave Civile, shprehu kënaqësinë për realizimin e këtij projekti, si dhe vlerësoi bashkëpunimin me autoritetet shqiptare.
Në përfundim, ministri Vengu dhe të ftuarit e tjerë vizituan nga afër mjediset e reja të Agjencisë Kombëtare të Mbrojtjes, takuan punonjësit dhe u njohëm me punën e tyre të përditshme.
Lajme të tjera
-
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Ministri Vengu takon studentët e masterit në AFA: T'i kushtojmë më shumë rëndësi sigurisë kombëtare
16 Dhjetor, 18:51 -
Kosova do të prodhojë dy lloj municionesh dhe do të dizajnojë dronë luftarakë! Nënshkruhet kontrata me kompaninë turke
16 Dhjetor, 16:00 -
Garnizoni Ferraj drejt rikonstruksionit, shtëpia e re e Komandës Mbështetëse të Ushtrisë
14 Dhjetor, 11:44 -
Municione, uniforma dhe armatime 'Made in Albania', Ministri Vengu: Brenda javësh nisin negociatat! Shpresëplotë se kontratat e para firmosen brenda 2025
14 Dhjetor, 08:15 -
'Ty të njoh si ushtar i Troplinëve të Durrësit', Bardhi akuza ndaj ministrit Vengu: Ti e di shumë mirë, je një zar! Të kanë sjellë bandat
12 Dhjetor, 19:22 -
Berisha sulmon drejtuesit e fushatës së PS: Klosi kumarxhi! Do nis përpjekjet për heqjen e non gratës pas zgjedhjes së Trump
9 Dhjetor, 13:12 -
Paralajmëron kreu i Forcave të Armatosura të Mbretërisë së Bashkuar: Bota është në prag të epokës së tretë bërthamore
5 Dhjetor, 20:53 -
112-vjetori i Forcave të Armatosura/ Ministri i Mbrojtjes: Po përballemi me kërcënime të reja! Rajoni po ndjen presione nga faktorë keqdashës
4 Dhjetor, 16:10 -
Përfundon ministeriali SHBA-Karta e Adriatikut në Tiranë, Vengu: Prioritet anëtarësimi i Kosovës, ndihmë Ukrainës dhe mbrojtje kolektive në zonën euroatlantike
4 Dhjetor, 14:01 -
2100 rezervistë deri në 2030-ën, Vëngu: Të rekrutuarit nuk humbasin vendet e punës, kostoja mujore 1 mijë euro për rezervist
2 Dhjetor, 17:07
-
Hapen aplikimet për Forcat e Armatosura, ja cilat janë kërkesat e nevojshme që duhen përmbushur nga çdo rekrutues
2 Dhjetor, 15:24
