Agjencia Ndërkombëtare e Energjisë plan me 10 pika për shmangien e krizës së furnizimit me naftë: Mbajini makinat në garazh të dielave, punë nga shtëpia kur është e mundur

Reduktim të shpejtësisë, më shumë punë në shtëpi dhe të diela pa makina mund të ndihmojnë botën të shmangë një krizë të furnizimit me naftë të shkaktuar nga lufta në Ukrainë, ka thënë Agjencia Ndërkombëtare e Energjisë.

Agjencia ka bërë publik një plan me dhjetë pika, që do të "ulë dhimbjen e rritjes së çmimeve që po ndjejnë konsumatorët në mbarë botën". Masat gjithashtu mund të zvogëlojnë dëmin ekonomik.

Rekomandimet për konsumatorët dhe qeveritë vijnë disa ditë pasi agjencia tha se bota po përballet me "atë që mund të shndërrohet në krizën më të madhe të furnizimit në dekada".

Sipas Agjencisë, nëse masat e propozuara prej tyre do të respektohen plotësisht në ekonomitë e zhvilluara, do të ulin kërkesën për naftë me 2.7 milionë fuçi në ditë brenda katër muajve, ekuivalente me kërkesën për naftë të të gjitha makinave në Kinë.

"Kjo do të reduktonte ndjeshëm tendosjet e mundshme në një kohë kur një sasi e madhe e furnizimeve ruse mund të mos arrijë më në treg dhe sezoni i pikut të kërkesës, muajt korrik dhe gusht po afrohen," tha Agjencia.

Ai tha se meqenëse pjesa më e madhe e kërkesës për naftë vjen nga transporti, plani fokusohet në "si të përdorim më pak naftë për të çuar njerëzit dhe mallrat në destinacione të ndryshme".

Plani me 10 pika:

1. Ulni kufijtë e shpejtësisë me të paktën 10 km / orë

2. Punoni nga shtëpia deri në tre ditë në javë kur është e mundur

3. Të dielat pa makina në qytete

4. Ulni koston e transportit publik dhe inkurajoni alternativa të tilla si ecja apo çiklizmi

5. Alternoni aksesin e makinave private në rrugë në qytetet e mëdha, ata me numër tek një ditë dhe ata me numra çift një ditë tjetër (praktikë e përdorur edhe për uljen e nivelit të ndotjes)

6. Lëvizni disa persona me një makinë, kontrolloni presionin e gomave dhe fikni ajrin ekondicionuar

7. Promovimi i lëvizjes efikase për kamionët e mallrave dhe mjetet e dërgesës

8. Përdorni trena me shpejtësi të lartë dhe natën në vend të avionëve kur është e mundur

9. Shmangni udhëtimet ajrore të biznesit ku ekzistojnë opsione alternative

10. Përdorni automjete elektrike dhe më efikase

TAG:
• rusia sulmon ukrainen
• ukraine
• nafta