POP 5

Lajmet më të lexuara të 5 minutave të fundit

Kronikë

Agjencitë turistike protestë para 'Turizmit': Hiqni taksat dhe na jepni pagë minimale, na shpëtoni nga falimenti, s'po kërkojmë qiqra në hell

Agjencitë turistike kërkojnë heqjen e taksave lokale, pagë minimale 6 muaj deri në 1 vit, subvencionim të siguracioneve 6-12 muaj dhe rihapjen e kufijve.

TIRANE-Një grup përfaqësuesish agjencisë turistike kanë protestuar paraditen e sotme përpara ambienteve të Ministrisë së Turizmit duke kërkuar lehtësi nga qeveria për të kaluar krizën që u shkaktua nga pandemia COVID-19. Agjencitë turistike kërkojnë heqjen e taksave lokale, pagë minimale 6 muaj deri në 1 vit, subvencionim të siguracioneve 6-12 muaj dhe rihapjen e kufijve.

Disa prej përfaqësuesve theksuan për mikrofonin e Report Tv se nuk po kërkojnë qiqra në hell, por një ndihmë për t'i shpëtuar nga falimenti, pasi prej marsit nuk kanë punuar, as një biletë nuk kanë prerë. "Ne nuk po kërkojë qiqra ne hell" tha njëri prej tyre.

"Kemi që në 11 mars që jemi mbyllur. As nga shqiptarët s'ka pasur punë, se e gjejnë vetë hotelin, nuk lind nevoja të lidhen me agjencitë. Për të huajt kufiri është mbyllur" tha një tjetër. Një tjetër pronare e një agjencie tha se "Kur u rihapën avionët nuk gjetëm edhe një biletë për riatdhesuar tanët të paktën. Agjencitë i kemi hapur, por nuk e dimë kush po i bën riatdhesimet. Nëse kam prerë një biletë që kur janë hapur...Përderisa fluturimet janë hapur, ne si agjenci kërkojmë që vendet të jenë barazim. Nëse ka 240 vende, ato të jenë të hapura.  

Kërkesa kemi pasur për prenotime, por nuk kemi njoftim zyrtar që kur hapen fluturimet. Nuk na vjen asnjë e-mail nga ministria. Minimalisht për agjencitë të garantohet një pagë minimale. Ka 10 vite që u paguaj taksa shtetit. Vetëm 40 mijë lekshin kam marrë. Unë nuk paguaj dot as qiranë e ambientit, jo më punëtorët" tha ajo. Ata paralajmëruan se protestat do i vijojnë pasi po shkojnë drejt falimentit, prandaj kërkojnë ndihmën e shtetit për t'i shpëtuar.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turisti: 11/06/2020 11:59

    Dmth meqe nuk na e futet deri tani doni shperblim??? Shkoni mor hajduter se gjysmat e cmimeve qe kemi paguajtur i fusnit ne xhep ju mortja qe sju mer

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46