Agron Tufa kërkon azil politik/ Gentiana Sula: Kjo tregon se institucionet që duhet ta mbrojnë, ligjet tona, s’kanë vepruar

Agron Tufa kërkon azil politik/ Gentiana Sula: Kjo tregon se institucionet që duhet ta mbrojnë, ligjet tona, s’kanë vepruar

Ne foto Agron Tufa dhe Gentiana Sula

Drejtori i Institutit për Studimin e Krimeve dhe Pasojave të Komunizmit, Agron Tufa, para disa ditësh ka kërkuar azil politik për në Zvicër. Kërkesa e tij, referuar letrës që ai i ka dorëzuar bordit të institucionit, që drejtonte (ISKK) vjen pas kërcënimeve, që ka marrë për vete edhe për familjen e tij. Për këtë ka reaguar edhe kryetarja e Autoritetit për Informim mbi Dosjet e Sigurimit të Shtetit, Gentiana Sula. Ndër të tjera Sula shpreh keqardhjen e saj, që një zyrtar u lartë shtetëror ndërmerr një iniciativë të tillë, për shkak se ligjet që duhet ta mbrojnë atë, nuk veprojnë.

“Ndjehem sot e keqardhur që kolegu Agron Tufa, nën presionin e kërcënimit me jete për vete dhe për familjen e tij, u detyrua të lërë vendin në kërkim të azilit politik”, thotë Sula.

Më tej ajo shton se ka ndjekur me shqetësim sulmet publike ndaj tij, duke shpresuar që këto do të trajtoheshin nga organet kompetente, dhe eventualisht do të ndaleshin.

“Që nje zyrtar i lartë shtetëror ndërmerr një hap të tillë, tregon se institucionet që duhet ta mbrojnë, ligjet tona, nuk kanë vepruar”.

Ndonëse, publikisht Tufa edhe Sula kanë ndarë këndvështrime të ndryshme, sa u përket qasjeve mbi komunizmin, ajo uron që zëri i tij mos t;i mungojë shoqërisë sonë

“Me Z. Tufa kemi këndvështrime të ndryshme për qasjet mbi përballjen me të shkuarën diktatoriale, por na ka bashkuar qëllimi i përbashkët dhe bindja se nuk ka demokraci të qëndrueshme pa dekomunistizim të shoqërisë sonë. Kam vlerësuar gjithmonë kurajën e tij, pasionin dhe penën e zhdërvjellët, dhe shpresoj që zëri i tij nuk do të na mungojë”, shkruan Sula në profilin e saj në Facebook.

Shkrimtari edhe publicisti Agron Tufa zbardhi arsyet e kërkesës së tij për azil politik, nëpërmjet një letre të dërguar kryetarit të bordit të ISKK, Uran Butkës, dukë vënë në dijeni presidentin e vendit Ilir Meta, kryetarin e Kuvendit Gramoz Ruçi dhe kryeprokuroren e Përkohshme, Arta Marku, se kjo iniciativë vjen pas kërcënimeve, që ka marrë nga disa persona, që janë përfshirë në një dosje, që Tufa ka dijeni. Emra këta që sot kanë poste drejtuese, edhe në të shkuarën e tyre gjatë komunizmit kanë kryer krime dhe persekutuar.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tuta: 04/12/2019 22:12

    Amam kush e kercenoi pellumb xhufi? Sa qesharake. Po ksm frike se do i shkoje dem

    Përgjigju
  • Xha Teme: 04/12/2019 16:22

    Ik edhe ti ba**g mbas plehut Tufa. Shkofshi ne esfelt te gomerreve.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet