‘Ah sikur të ishte gjallë Komandanti Legjendar Adem Jashari’, familja Jashari merr sërish drejtimin e ushtrisë së Kosovës

Adem dhe Bashkim Jashari

Nipi Adem Jasharit, Bashkimi është emërtuar “Komandant i Forcave të Sigurisë së Kosovës”.

Presidentja e Kosovës, Vjosa Osmani, njëherësh komandante supreme e Forcave të Sigurisë së Kosovës, ka emëruar Bashkim Jasharin si Komandant të ri të Forcës së Sigurisë së Kosovës, në përputhje me kompetencat kushtetuese, pas dorëheqjes së komandantit të mëparshëm Rrahman Rama.

Emërimi është bërë siç parashihet në ligjin për FSK-në, pas propozimit të ministrit të Mbrojtjes dhe rekomandimit të kryeministrit të Republikës së Kosovës.

“Ah sikur të ishte gjallë Komandanti Legjendar Adem Jashari, të të shihte duke udhëhequr ushtrinë e shtetit tonë, për të cilin luftoj deri në rënien heroike të tij, bashkë me familjen dhe ushtarët e Ushtrisë Çlirimtare të Kosovës.”, shkruan i emocionuar politikani Bekim Jashari.

Ai shprehet se Bashkimi ashtu si në luftë krah balit Adem, babushit Hamëzes e babës Shaban, edhe sot në paqe do të vazhdoj rrugën e tyre, duke kontribuar në fuqizimin e ushtrisë sonë dhe integrimin e saj në mekanizmat ndërkombëtar.

Kryeministri i Kosovës, Albin Kurti ka uruar Bashkim Jasharin, për emërimin si komandanti i ri i 'Forcës së Sigurisë së Kosovës'. Kurti shprehet se ushtrisë që i shërben popullit, i duhet ushtari me zemrën plot dashuri për atdheun.

Rendit zhvillimet sipas orarit:
Ora 19:03
Emërimi i Jasharit në krye të FSK-së, Kurti: Ushtrisë i duhet ushtari me zemrën plot dashuri për atdheun

1638295670_albinkurti675x450.jpg

Kryeministri i Kosovës, Albin Kurti ka uruar Bashkim Jasharin, për emërimin si komandanti i ri i 'Forcës së Sigurisë së Kosovës'. Kurti shprehet se ushtrisë që i shërben popullit, i duhet ushtari me zemrën plot dashuri për atdheun.

“Ushtrisë që i shërben popullit, i duhet ushtari me zemrën plot dashuri për atdheun, ushtari që të përbashkëtën e vetëmohimin i lartëson në detyrën që i besohet, ushtari që të ardhmen e sheh përmes idealit të dëshmorit. Të gjitha këto vlera i zotëron gjeneralmajori Bashkim Jashari, nipi i Komandantit Legjendar, i Kryekomandantit Adem Jashari. E, nga sot ai është Komandant i Forcës së Sigurisë së Kosovës. Ushtria jonë është e re, por me pjekuri të thellë e histori të lavdishme. Vazhdimësia e Ushtrisë Çlirimtare të Kosovës, përmes Forcës së Sigurisë së Kosovës, është shtylla jonë e fortë mbi gurthemelin e Republikës. Komandantit Jashari i dëshiroj punë të mbarë në detyrën e tij të re. Gjenerallejtnant Rrahman Ramën e falënderoi për kontributin e tij dhe po ashtu i dëshiroj suksese në angazhimin e mëtutjeshëm si përfaqësues yni në RACVIAC.”-shkruan Kurti në rrjete sociale.

J.GJ./M.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Katër vrasjet në bulevard, a është bërë drejtësi për 21 janarin?



×

Lajmi i fundit

John

Strumbullari i 21 Janarit, Meta i fshihet pyetjes, flet për marrjen e LSI-së: Mezi pres të heq kostumin e presidentit! Thumbon Bashën: Më pret populli i 2 marsit i cili do lider me karakter