Asambleja e Akademisë së Shkencave u mblodh këtë të premte për të bërë “bilancin” mbi veprimtarinë e vitit të kaluar si dhe për të prezantuar pikat kyçe të programit për vitin 2024. Siç thonë akademikët tranzicioni “shkencor” tanimë ka përfunduar, dhe ndonëse i imponuar me vendim qeverie, riorganizimi i “Albanologjisë” nën çatinë e Shkencave, duket se ka ngjallur edhe vatra entuziazmi.
Në fjalën e tij, kreu i “Shkencave”, akademiku Skënder Gjinushi cek mes arritjeve, ngritjen e 10 njësive të kërkim-studimit, mbështetjen e 31 projekteve, 14 prej të cilave të realizuara si dhe botimin e 30 titujve në vit. Duke cekur rritjen që është bërë gradualisht në 4 vitet e fundit, u prezantua sot edhe buxheti i Akademisë së Shkencave prej 105,880,000 lekësh dhe 280,000, 000 lekësh për institutet e Albanologjisë.
Akademikët kujtuan punën në proces për tri projektet e mëdha të Albanologjisë, Historia e shqiptarëve, Fjalorin e madh të Gjuhës Shqipe dhe Enciklopedinë Shqiptare. Disa nga projektet e tjera që synohen u cekën nga akademikët. Do të mbahen 97 veprimtari, ndërsa ndër të tjera propozohen 60 tituj e 17 periodikë .
Forcimi i bashkëpunimit me Akademinë e të Rinjve do të jetë në fokus, por njëherazi edhe rritja e rolit të “Shkencave” sa i përket arsimit universitar. Nevoja për një qasje të re të Politikës ndaj Akademisë u theksua gjithashtu gjatë mbledhjes.
Nuk u lanë jashtë edhe disa prej problematikave të hasura gjatë punës shkencore. Ndërkaq anëtarët e Asamblesë miratuan unanimisht edhe veprimtarinë e planifikuar në parim, shpërndarjen e buxhetit dhe vijimin e procesit të shqyrtimit për kërkesat e disa akademikëve të asociuar për të kaluar në statusin si akademik.
Akademia e Shkencave gjatë mbledhjes që Asambleja mbajti këtë të premte paraqiti objektivat për këtë vit , që do të realizohen me një buxhet prej 105,880,000 lekësh për ASH dhe 280,000, 000 lekësh për institutet e Albanologjisë, tanimë të riorganizuara tek "Shkencat".
Mes të tjerave u cek zgjerimi i ambienteve të punës për Asamblenë, institutet dhe qendrat e reja pranë ASH-së, përfshirë këtu ngritjen e një muzeu të ri arkelologjik . Sa i përket veprimtarive, u propozuan 97 të tilla, si dhe 60 tituj e 17 periodikë që priten të botohen.
U premtua gjithashtu një bashkëpunim më solid me Kosovën, si dhe promovim i arritjeve edhe jashtë vendit. Synohet edhe zgjerimi i rjetit të instituteve dhe qendrave kërkimore afatgjata të ASH-së dhe kthimi i QBEA bë qendër të përhershme mbështetëse për drejtimin e punës për botimet themelore.
Me rëndësi është edhe angazhimi për të rritur rolin e Akademisë në vlerësimin e nivelit dhe të cilësisë së transmetimit të shkencës në shkollimin universitar e parauniversitar, ku kreu i Akademisë Skënder Gjinushi theksoi se rritja e standartit të diplomave duhet të eci paralelisht me rritjen e standarit të pedagogëve.
Akademia e Shkencave ka bërë publik gjatë ditës së sotme (23 shkurt) në mbledhjen e Asamblesë buxhetin për vitin 2022-2023. Buxheti fillestar për vitin 2023 ishte 189 milionë lekë, ndërsa me shtesat që iu bënë më pas për efekt financiar të rritjeve të pagave (15 900 000 lekë për akademikët, plus 7 64700 lekë për administratën) shuma u shtua me 23 547 000 lekë
Ndërkaq buxheti në total 212 547 000 lekë u shpërnda si më poshtë:
- Pagat: 98 547 000 lekë
- Botime: 12 000 000 lekë
- Veprimtari: 19 300 000 lekë
- Projekte: 17 100 000 lekë
- Projekte në Albanologji: 55 000 000 lekë
- Plus transferta dhe investime përkatësisht 600 000 dhe 10 000 000 lekë
Kujtojmë se Akademia e Shkencave vijon punën për tri projektet e mëdha të Albanologjisë: Historia e shqiptarëve, Fjalori i madh i Gjuhës Shqipe dhe Enciklopedia Shqiptare. Siç u bë sot me dije Historia e Shqiptarëve (vëllimi i parë) është në proces redaktimi, ndërsa brenda këtij viti do të jetë gati në formatin virtual Fjalori i madh i Gjuhës Shqipe.
"U ndërmorën rreth 30 projekte shkencore e studime, krahas tre projekteve madhore në Albanologji, te cilat u shtrinë në fusha të ndryshme, kryesisht në atë të nanoshkencës dhe bioteknologjisë, në arkeologji, për studime në botën arbëreshe, në energjetikë, duke shërbyer si mjet nxitës për krijimin e fuqizimin e grupeve kërkimore, me synim aplikimin në projekte madhore ndërkombëtare. Deri me tani janë realizuar 14 projekte e janë në proces 17 projekte të mbështetura nga ASHSH ose nga AKKSHI" -tha kreu i Akademisë së Shkencave, akademiku Skënder Gjinushi.
Lajme të tjera
-
Kuvend/ Gjykata rikthen PD në sallë, Bardhi- Spiropalit: Jep dorëheqjen, na dënove pa ligj! Peleshi: Dy standarde, kur s'u pëlqen vendimi digjni karrige
7 Nëntor, 07:51 -
Kërkimi shkencor/ Zhupa: Bie ndesh me Kushtetutën, Shqipëria shkon drejt regresit në fushën e shkencës
18 Tetor, 19:36 -
Fatos Çoçoli: Koha e duhur për ministri për shkencën
7 Tetor, 08:33
-
100-vjetori i lindjes së Jakov Xoxës/ Shkrimtari kujtohet dhe nderohet në Akademinë e Shkencave
10 Maj, 18:35
-
Ligji për Akademinë e Shkencave përfundon në Kushtetuese, Zhupa dorëzon padiën: Nga ‘Basha’ firmos Nebiaj, Açka jo!
10 Maj, 15:27 -
'Padi në Gjykatë Kushtetuese', Ina Zhupa: Ndryshimet ligjore për Akademinë e Shkencave antikushtetuese
24 Prill, 15:46 -
Libri akademik e shkencor, Shqipëria e Kosova në Panair! Shaban Sinani: Ja ku shkojnë botimet tona! Krizat politike?! Mehmet Kraja: Ne vazhdojmë punën!
23 Prill, 15:50
-
Shefja e ChatGPT, Ermira Murati, pjesë e Akademisë së Shkencave të Shqipërisë! Miratohen akademikët e rinj, mes tyre dhe Lea Ypi e Angjelin Prelocaj
22 Prill, 16:12 -
Akademia e Shkencave do të mbajë një aktivitet për piktorin Lekë Tasi
27 Shkurt, 17:55 -
Viti 2024/ 385,88 milonë lekë për Akademinë dhe Institutet tek "Shkencat"! Synohen ambiente më të zgjeruara dhe një muze i madh arkeologjik!
23 Shkurt, 22:29 -
Akademia e Shkencave shkarkon drejtorët e instituteve në gjysmën e mandatit, emëron të rinj (EMRAT)
11 Janar, 14:42 -
Akademia e Shkencave miraton Statutin e ri, pati kundërshtime pasi ligji për ‘Shkencat’ s’ka kaluar ende në qeveri
10 Janar, 12:31
