Ditëlindja e shkrimtarit Ismail Kadare është festuar në Akademinë e Shkencave me një konference shkencore me pjesëmarrjen e posaccme të studiuesit francez Jean-Paul Champseix, autor i veprës "Ismail Kadare: një disidencë letrare".
Kryetari i Akademisë Skënder Gjinushi tha se Ismail Kadare është shkrimtari më i rëndësishëm i pesë shekujve të historisë së letërsisë shqipe.
"Me një veprimtari krijuese prej afro shtatë dekadash, që shprehet në një korpus letrar prej mbi 50 romanesh e novelash dhe veprash dramatike, Ismail Kadare është bërë pjesë e vetëdijes qytetare dhe morale të popullit shqiptar, program njohjeje për të huajt të botës së tij, përurues i vlerave më të larta krijuese të vendit të tij", tha Gjinushi.
Jean-Paul Champseix kujtoi periudhën kur jetonte në Shqipëri dhe nisi kërkimin për elementët e veçantë të krijimtarisë së veprës së Ismail Kadaresë.
"Vepra e Kadaresë nuk e humbet lexuesin, sepse megjithëse unë jam munduar ta kontekstualizojë atë në periudhën e vet historike, vepra del nga kjo kornizë në sajë të cilësive të saj. Qysh tek veprat e tij të para “Gjenerali i ushtrisë së vdekur” dhe “Përbindëshi”, autori u bën bisht parimeve të realizmit socialist. E parë në kontekstin letrar dhe historik në të tashmen e regjimit të Hoxhës dhe egërsinë e tij totalitare, “Pallati i ëndrrave” ishte si një bombë për diktaturën", tha Jean-Paul Champseix.
Në kumtesën e tij Bashkim Shehu përkthyesi i veprës së Jean-Paul Champseix tha se diktatura ka vendin e vet dhe vepra e Kadaresë ka vendin e vet
“Si shpjegohet që një letërsi e tillë ka ekzistuar në një regjim totalitar stalinist. Shpjegimet janë të shumta. Një mund të jetë frika e Enver Hoxhës, ngaqë Kadare ishte i njohur në Francë, frika e Enver Hoxhës se duke dënuar Kadarenë do krijonte një Solzhenitsyn shqiptar dhe artistikisht më të fuqishëm se Solzhenitsyn. Veç asaj ka qenë edhe një dëshirë e Enver Hoxhës që ky shkrimtar i madh t’i skaliste monumentin, gjë që nuk ndodhi” -tha Bashkim Shehu.
Në veprimtarinë dedikuar Ismail Kadaresë referuan edhe akademik Matteo Mandalà, Ilia Lëngu, Irena Rambi dhe Ilir Yzeiri.
Komente
Lajme të tjera
-
Studim për nëntokën e Lezhës, Neritan Ceka: Së shpejti gërmime të reja arkeologjike
26 Dhjetor, 16:45
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Niko Pojani: Jeta dhe veprimtaria Shkencore e Prof. Inxh. Egon Gjadrit
2 Dhjetor, 18:21
-
Fjalët e reja që i shtohen Fjalorit të Gjuhës Shqipe! Shtesa edhe nga veprat e Ismail Kadaresë, Camajt dhe Hamitit
23 Nëntor, 12:11
-
Dita e Alfabetit/ Arkivat ekspozojnë 'Dorëshkrimet e Kadaresë' në Shkup
22 Nëntor, 14:52 -
Dita e Alfabetit, prezantohet Fjalori i madh i Gjuhës Shqipe! Vepra përmban 103 000 fjalë dhe 10 000 njësi frazeologjike! Fjalori me 120 mijë njësi, gati 3-fish më i madh se ai i 1980-s
22 Nëntor, 13:31
-
Konferenca/ Si luftuan bektashinjtë për çlirimin e vendit? Baba Mondi: Teqetë bektashiane, vatër e çlirimit të adheut! Historiani: Rreth 6 mijë bektashianë morën pjesë në LANÇ
19 Nëntor, 14:47
-
Intervista për Report Tv/ Libri me tregime, Helena Kadare rikthehet si shkrimtare: E shkruara për mua është si terapi pas humbjes së Ismailit
15 Nëntor, 15:33
-
Ekspozohen për herë të parë dorëshkrimet e Kadaresë, 44 488 faqe shpalosen në Bibliotekën e Kryeministrisë! Krijime që prej moshën 11-vjeçare
15 Nëntor, 09:40 -
Studiuesi Paul Heggarty: Gjuhët nuk kanë data lindjeje! Shqipja midis gjuhëve indoeuropiane, origjina dhe lashtësia
4 Nëntor, 16:11
-
Rikthehet në TKOB “Plaga e dhjetë e Gjergj Elez Alisë”, shfaqja bën bashkë emrat e Ibrahimit, Kadaresë dhe Aliajt
24 Tetor, 16:37
-
“Plakat e jetës”, të Kadaresë, na flasin përsëri!
21 Tetor, 19:35
