TIRANE- Një draft i qeverisë që ndryshon sasinë e kontributeve që paguan shteti për të trupën akademike, ka ndarë dhe një herë profesoratin e privatit me atë të shtetërorit. Projektligji parashikon që shteti të paguajë më shumë për trupën akademike të punësuar në shkollat publike, dhe më pak për ata që punojnë në shkollat private. Kjo gjë u prit mirë nga përfaqësuesit e universiteteve shtetërore, por u kundërshtua nga ata privatë.

Në objektin e këtij projektligji është përmirësimi i situatës financiare aktuale të skemës së pensioneve shtetërore suplementare të punonjësve të universiteteve, të shkollave të larta, Qendrës së Studimeve Albanologjike, Akademisë së Shkencave dhe të gjitha institucioneve të tjera kërkimore publike në Republikën e Shqipërisë, përmes rritjes së normës së kontributit për të punësuarit në sektorin publik.