POP 5

Lajmet më të lexuara të 5 minutave të fundit

Kultura

Akademikët në konferencë: Si historianët serbë e grekë tentuan të ‘ngushtonin’ atdheun e shqiptarëve të hershëm

U mbajt sot në Akademinë e Shkencave një konferencë mbarëkombëtare me personalitete vendase e 40 studiues të huaj, për të pasuruar të dhënat shkencore që hedhin dritë mbi Arbrin Mesjetar.

Nga oborri i kishës së Shën Mërisë në Gëziq të Mirditës, Konferenca Shkencore mbarëkombëtare “Nga Shteti i Arbërit tek Arbëria në shekujt e humanizmit europian” shënoi këtë të martë, 10 tetor, ditën e dytë në Akademinë e Shkencave.

E mbajtur në kuadër të 555-vjetori të vdekjes së Skënderbeut, konferencës me personalitete të botës sonë akademike, i janë bashkuar 40 studiues të huaj. Historiani Pëllumb Xhufi, gjatë kumtesës së tij “Një arbër mes shumë arbërve” preku lidhjen e arbërve Ilirë, që përmenden që në shek. II nga gjeografi aleksandrin Ptolemeu, me arbrit e  Mesjetës.

 Ai sjell në vëmendje se si teza e kroatit Milan Shuflaj, dhe më pas e gjermanit Georg Stadtmyler, u rimorën nga historianë të tjerë kryesisht grek dhe serbë, që tentuan të forconin idenë e një atdheu të vogël të shqiptarëve të hershëm (trevën e Matit”), edhe më të ngushtë se ç’e përshkruanin autorët bizantinë në shek. XI-XIII. E gjitha kjo, siç shpjegohet nga historianë të huaj që akademiku citon, për tu mohuar shqiptarëve hapësirën etnike të sotme.

Diskutimi i studiueses Lucia Nadin u përqëndrua tek Shqipëria adriatike: nga statutet e qytetarëve tek proceset e asimilimit në Venecia në specifikën e tyre, duke folur dhe për lidhjen kulturore mes Shkodrës dhe Venedikut.

Për të pasuruar të dhënat shkencore mbi Arbrin Mesjetar, në konferencën e mbajtur nga Akademia e Shkencave u sollën në vëmendje një sërë dokumentacionesh jo vetëm historike, por edhe gjuhësore, arkeologjike apo antropologjike.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58