TIRANE- Një ditë pasi qeveria shqiptare i ka thënë “Jo” sjelljes së armëve kimike të Sirisë për shkatërrim në vendin tonë, ka reaguar edhe Aleanca Kundër Importit të Plehrave.

Në një deklaratë për shtyp, përfaqësuesi i AKIP e ka cilësuar këtë “një fitore të gjithë shqiptarëve, të cilët dhanë një leksion demokracie”. Sipas AKIP “për herë të parë të rinjtë protestuan të pashqetësuar dhe pa frikë”.

“Ne si AKIP mbajtem një qendrim të qartë dhe të prerë gjatë diskutimeve për çështjen e armëve kimike të Sirisë. Dy javë më parë ne ishim në shesh kundër armëve kimike, dhe vijuam ta bëjmë këtë çdo ditë. Ne pamë sesi të rinjtë e qyteteve të Shqipërisë zgjuan zemrat e shqiptarëve për një çështje që na cenontë të gjithëve.

Vlerat e kësaj proteste shtriheshin më tej, kudo ku ka shqiptarë, ku mbarë Shqipëria dha një leksion demokracie të parë kurrë më parë.

Kjo fitore arriti një standard të lartë demokracie për dëgjimin e zërit të tyre, dhe të protestimit pa asnjë shqetësim apo frikë”, u tha në deklaratën e AKIP.

Ndërkaq, Aleanca Kundër Importit të Plehrave, ka theksuar se kauza e kësaj aleance do vijojë me tej, “duke qenë rojtarë për çështjet publike dhe mjedisore në Shqipëri”.

DEKLARATA E AKIP
Dy jave me pare ishim po ne kete Shesh per te inicuar Betejen tone te rradhes kunder shkaterrimit te armeve kimike te rregjimit te Asadit ne Siri, ne territorin e Shqiperise.
Te bindur se shqiptaret tashme e kishin bere zgjedhjen e duhur  kur me forcen dhe mbeshtjetjen e tyre ndaj referendumit per importin e mbetjeve ne shqiperi, ne si AKIP mbajtem nje qendrim te qarte rreth ceshtjes se importit  te armeve kimike.
Ne sot jemi deshmitare, te nje procesi, te pa precedent per demokracine shqiptare. Ne pame se si te rinjte e qyteteve te Shqiperise, duke filluar nga Tirana, zgjuan dhe mobilizuan zemrat e njerzve per nje ceshtje e cila na perkiste te gjithve. Ndaj te ciles u reagua me forcen me te madhe demokratike, QYTETARINE.
Edhe ne momente te tentatives per pengmarrje nga lider dhe politikane te partive te ndryshme, ishin protestuesit ata qe treguan kurajon qytetare per te mbajtur ndoshta per here te pare ne Shqiperi nje model protste civile te atij niveli.
Vlerat e kesaj proteste shtriheshin jo vetem ne kufijt e Shqiperise, por me tej ne te gjitha vendet ku ka shqipetare,  te cilet deshmuan qendresen e shqiptareve ne kryeqytetet  kryesore, milano, londer, paris, washignton, ku mbare shqiptaria dha  nje mesim demokracie si kurre me pare te markes ­made in albania.
Vullneti i shqiptareve, te cilet nuk mbeshtesnin dot fizikisht protestat e shqiptareve ne terren, kontribuan duke mbledhur plot 35.000 firma brenda 5 ditesh. Nje fakt i cili tregonte per nje ndjeshmeri te lart qytetare mbi ceshtjen.  
Kjo fitore nuk arriti nje standart te larte demokracie vetem per degjimin e zerit te qytetareve por edhe per here te pare ne 20 vjet protestuesit shqiptar u ndjene te paterrorizuar dhe te pakercenuar ne sheshet e tyre. Kauza e AKIP nuk mbaron ketu ne do jemi gjithmone Rojtar te ceshtjeve publike ne mbrojtje te interesit publik.
 

Redaksia Online
(e.s/shqiptarja.com)