1767770361_gjirokaster.jpg

Si pasojë e reshjeve të dendura të shiut, të shoqëruara me rrëshqitje dherash dhe përmbytje, 7 familje janë evakuuar nga banesat në gjithë Qarkun e Gjirokastrës.

Në Bashkinë Përmet, situata paraqitet më problematike. Në lagjen “Sede”, për shkak të reshjeve të dendura dhe grumbullimit të inerteve, janë përmbytur 4 banesa, duke detyruar evakuimin e 4 familjeve. Prej tyre, 3 familje janë sistemuar nga bashkia në një konvikt, ndërsa 1 familje është strehuar tek të afërmit.

Në bashkinë Gjirokastër, lagjja Manalat, një familje është evakuuar gjate natës për shkak të rrëshqitjeve dhe është sistemuar tek të afërmit. Po ashtu, në fshatin Labovë, rrëshqitjet e dheut kanë prekur dy banesa.

Sakaq, moti i keq ka shkaktuar problematika të shumta në rrugët nacionale e rurale.

Aksi nacional Gjirokastër–Tepelenë, në vendin e quajtur Shkalla e Zezë, vazhdon të jetë i kalueshëm vetëm me një sens.

Zonat e prekura nga permbytjet jane dhe pa energji elektrike.


Lajmi kryesor:

Moti i keq/ Viktima e parë, 54-vjeçari humb jetën në Durrës! Evakuime në Katund të Ri, Sukth dhe 3 fshatra të Fierit e Vlorës (VIDEO)