TIRANË - Një aksident i rëndë me pasojë vdekjen ka ndodhur pak para mesnatës të së enjtes pranë TEG-ut. Një automjet me targë CD, tip 'Hyundai Tucson' që i përket një trupe diplomatike të akredituar në Tiranë dyshohet se ka qenë me shpejtësi tej normave të lejuara dhe ka humbur kontrollin. Mjeti me targa diplomatike u përplas fillimisht me banderolën metalike të rrugës dhe më pas me bordurën. Shoqëruesi i ambasadorit rus në Tiranë, Sergei Mironov ka humbur jetën dhe një tjetër i identifikuar si Andrea Kukuviç është plagosur.
Burime për Report Tv bëjnë me dije se në automjet po udhëtonin 2 persona, të cilët janë dërguar me urgjencë në spitalin e Traumës. Shoqëruesi i ambasadorit rus nuk i ka mbijetuar dot plagëve të marra dhe ka ndërruar jetë gjatë rrugës për spital. Gjendja e të plagosurit është e rëndë pasi ka pësuar politraumë, ka marrë dëmtime në të gjithë trupin dhe është në trajtim intensiv.
Shpejtësia tej normave të lejuara dyshohet shkak i aksidentit të rëndë të makinës së ambasadës ruse. E njëjta makinë, me shpejtësi të lartë, është konstatuar nga shërbimet e Policisë Rrugore edhe më herët. Dy herë është regjistruar me 137 km/h më 31 mars në orën 00:18 dhe 171 km/h në datën 5 prill në orën 22:02. Në njërin prej rasteve, policia e ka ndjekur mjetit deri në afërsi të ambasadës ruse por nuk ka mundur ta ndalojë. Ambasada ruse, përmes rrugëve zyrtare është njoftuar për sjelljen e keqe në rrugë të mjetit.
Në vendngjarje mbërritën menjëherë forcat e policisë për të zbardhur rrethanat e aksidentit. Pamjet tregojnë se automjeti është përmbysur pas përplasjes me bordurën anësore.
Pamje nga përplasja
Është identifikuar viktima i cili ndërroi jetë dje në saj të një aksidenti te TEG-u. Gazetari i Report Tv Sokol Dema mëson se shoqëruesi i ambasadorit rus, Sergei Mironov vdiq pasi mjeti që po drejtonte u përplas me banderolën metalike të rrugës duke u përplasur me bordurën.
“Tiranë
Më datë 11.05.2023, rreth orës 23:10, te mbikalimi në Mjull Bathore, automjeti i ambasadës ruse, me drejtues shtetasin A. K., dhe pasagjer shtetasin S. M., është përplasur me banderolën metalike të rrugës, ka dalë nga rruga dhe më pas është përplasur me bordurën.
Si pasojë e plagëve të marra nga përplasja, ka ndërruar jetë në spital shtetasi rus S. M., 36 vjeç, ndërsa shtetasi A. K., 30 vjeç, ndodhet në spital, nën kujdesin e mjekëve.
Grupi hetimor po punon për sqarimin e rrethanave të aksidentit.”- thuhet në njoftim.
Report Tv sjell pamje nga makina me targa diplomatike që u përfshi në aksidentin e rëndë në Tiranë përfundoi e përmbysur në mes të rrugës.
Komente
Lajme të tjera
-
Bllokimi i aksioneve dhe dalja në ankand, KF Tirana: Dezinformim i qëllimshëm, synon tjetërsimin e aseteve të klubit
19 Prill, 21:25 -
KF Tirana në ankand prej borxheve, Eduard Prodani: Aksionet t'i kthehen bashkisë së kryeqytetit, futbolli shqiptar në batak
19 Prill, 20:23 -
Orges Shehi: S'më tremb asnjë rival, Partizani do shpallet kampion
19 Prill, 17:51 -
Lindi 1750 gramë, Raina e vogël fiton betejën për jetën në maternitetin 'Mbretëresha Geraldinë'
19 Prill, 16:45 -
Tiranë/ Aksident pranë Rinasit, trajleri përplaset me një makinë! 1 i plagosur
19 Prill, 15:58 -
SHBA, Britania dhe BE dënojnë dhunën e Rithemelimit dhe PL para Bashkisë së Tiranës: Akte të tilla s'kanë lidhje me protestën
19 Prill, 13:47 -
Rithemelimi e Partia e Lirisë protestë e zjarr para bashkisë së Tiranës! Hedhin molotovë, gurë e vezë! Flamur Noka e Tedi Blushi prijnë aktet e dhunës
19 Prill, 11:32 -
Muzikë, DJ dhe ekspozitë me motorët ‘Vespa’, 3 ditë magjike te Pazari i Ri në Tiranë
19 Prill, 11:26 -
Kavajë, goditi bashkëshorten me automjet në 2022, arrestohet 50-vjeçari i shpallur në kërkim (EMRI)
19 Prill, 11:13 -
Universiteti Bujqësor i Tiranës lidh marrëveshje me BOKU-n e Vjenës/ Dekani: Ja çfarë do të përfitojnë studentët tanë dhe arsimi i lartë
18 Prill, 21:27 -
Me telefon dhe pa rrip sigurie tentuan të korruptojnë policinë rrugore, 4 shoferë të arrestuar në 24 orët e fundit në Tiranë (Video)
18 Prill, 16:12 -
I dënuar për trafik të paligjshëm të emigrantëve, arrestohet 24-vjeçari në Rinas (EMRI)
18 Prill, 15:34
To much Vodka !
Përgjigju