Aksident me 6 të plagosur në Shëngjin, mes tyre një i mitur, makina përfundon me goma në ajër (VIDEO)

Një aksident i rëndë rrugor me pasojë plagosjen e katër personave ka ndodhur në aksin Shëngjin-Lezhë. Sipas policisë mjeti me drejtues K.N.,24 vjeç, banues në Lezhë është përplasur me mjetin me drejtues A.K., 36 vjeç,banues në Kosovë. Si pasojë e përplasjes kanë marrë dëmtime dhe janë transportuar në spitalin Rajonal Lezhë, drejtuesit e  mjeteve si dhe pasagjerët E.V., 28 vjeç, banues në Tiranë; L.N., 20 vjeç, banues në Lezhë; B.K., 35 vjeçe, banuese në Kosovë dhe i mituri A.K.

Shkak i aksidentit dyshohet të jetë parakalimi i gabuar nga njëri prej automjeteve që është përplasur me automjetin tjetër, në zonën e quajtur  "Lagje e Shaljanëve".

Në vendin e ngjarjes ka shkuar ambulanca dhe policia dhe po punon për zbardhjen e rrethanave të aksidentit.

Si pasojë e këtij aksidenti janë krijuar radhë të gjata trafiku ndërsa makina ngjyrë të zëzë me targa kosovare, siç duket në pamje për disa minuta ka qëndruar në ajër për shkak të rënies në një kanal buzë rrugës.

Njëri prej makinave është një 'benz' me targa 'AA 866 GG'. Ngjitur me makinën tjetër ka qenë edhe një shtyllë elektrike por fatmirësisht nuk është shkëputur, pasi në të kundërt pasojat mund të kishin qenë fatale për shkak të rrymës.

Gjithashtu ë vendin e ngjarjes po ashtu ka shkuar edhe zjarrfikësja ku kanë larë rrugën nga vaji i derdhur në rrugë në mënyrë që të mos bëhet burim aksidenti.

TAG:
• Lezhe
• aksident
• policia e shtetit
• Shengjin