Makina përplaset me barrierën në aksin Milot-Morinë, vdes 21-vjeçari, plagoset pasagjeri! EMRAT

Një i ri mbeti i vdekur dhe një tjetër u plagos rëndë, pasi automjeti me të cilin udhëtonin u përplas me barrierat anësore të rrugës. Aksidenti ndodhi rreth orës 5 të mëngjesit të së premtes në rrugën e kombit, segmenti Milot-Morinë në afërsi të Tunelit të Kalimashit.

Viktimë e këtij aksidenti mbeti drejtuesi i automjetit tip "Volsvagen" Albert Shullani 21-vjeç banues në Shkodër, ndërsa u plagos dhe pasagjeri shtetasi Kristian Arra.Ky i fundit u dërgua me urgjencë për ndihmë mjekësore në Spitalit e Kukësit, nga ku mësohet se ndodhet nën kujdesin e bluzave të bardha jashtë rrezikut për jetën.

Siç shihet dhe nga pamjet përplasja ka qenë e fortë, duke sjellë dëmtime të shumta të automjetit e për pasojë drejtuesi gjeti vdekjen e menjëhershme nga plagët e marra në disa pjesë të trupit. Ndërkohë policia e cila mbërriti menjëherë në vendin e ngjarjes nisi hetimet për zbardhjen e shkaqeve dhe rrethanave të këtij aksidenti, ku paraprakisht dyshohet se shpejtësia dhe përgjumja e drejtuesit të automjetit është bërë shkak për përplasjen fatale me barrierat anësore të rrugës.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

Pse mburoja izraelite është e aftë të përgjojë dronët iranianë! Avionët amerikanë dhe Britanisë së Madhe mbrojnë Jerusalemin

Pse mburoja izraelite është e aftë të përgjojë dronët iranianë! Avionët amerikanë dhe Britanisë së Madhe mbrojnë Jerusalemin