VIDEO/ Kamioni që transportonte eskavatorin përplaset me mbikalimin në Shkodër! Bllokohet rruga në lagjen 'Bahçallëk', arrestohet shoferi 60 vjeçar

Një aksident është regjistruar mesditën e sotme në Bahaçallëk të Shkodrës. Një kamion me një eskavator të ngarkuar në të është përplasur me mbikalimin në lagjen 'Bahçallëk'. Për rrjedhojë, policia ka arrestuar drejtuesin e kamionit të identifikuar si S.Sh, 60 vjeç.

Fatmirësisht në momentin e shembjes, nuk ka patur në lëvizje automjete dhe as këmbësorë. Për shkak të bllokimit që ka shkaktuar rrëzimi i mbikalimit, është devijuar trafiku në hyrje të Shkodrës.

 

Rendit zhvillimet sipas orarit:
Ora 14:26
Rrëzimi i mbikalimit të këmbësorëve në Shkodër, arrestohet 60-vjeçari

1675430886_Capture.JPG

Policia ka dhënë detaje nga shembja e “Urës së Bahçallëkut” duke arrestuar një person.

Shkodër/Identifikohet, shoqërohet dhe procedohet penalisht, drejtuesi i kamionit, i cili duke transportuar një vinç, dyshohet se aksidentalisht goditi mbikalimin e këmbësorëve, në vendin e quajtur “Ura e Bahçallëkut”.    

Në vijim të informacionit paraprak për rrëzimin e mbikalimit të këmbësorëve, në vendin e quajtur “Ura e Bahçallëkut”, ju bëjmë me dije se gjatë veprimeve të kryera nga grupi hetimor ka rezultuar se S. Sh., duke transportuar një vinç, me kamion, dyshohet se aksidentalisht vinçi ka goditur mbikalimin e këmbësorëve, në vendin e quajtur “Ura e Bahçallëkut”, duke e rrëzuar pjesërisht atë.

Shërbimet e Policisë e kanë shoqëruar në Komisariatin e Policisë Shkodër, drejtuesin e kamionit,  S. Sh., 60 vjeç, banues në Shkodër.  

Mjetet kamion dhe vinç janë bllokuar në cilësinë e provës materiale.   

Grupi hetimor, nën drejtimin e Prokurorisë, vijon veprimet e tjera procedurale për këtë rast.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet