POP 5

Lajmet më të lexuara të 5 minutave të fundit

Kronikë

Aksident në superstradën Lezhë-Shkodër, plagoset rëndë motoçiklisti 60-vjeçar! Dërgohet te Trauma, shoqërohet shoferi (EMRAT+VIDEO)

Një 60-vjeçar mbeti i plagosur rëndë, pasi motoçikleta me të cilën po udhëtonte u përplas me një automjet. Aksidenti ndodhi sot rreth orës 11:00, në superstradën Lezhë-Shkodër, pranë kryqëzimit të fshatit Gocaj

Lezhë- Një 60-vjeçar mbeti i plagosur rëndë, pasi motoçikleta me të cilën po udhëtonte u përplas me një automjet.

Aksidenti ndodhi sot (8 Dhjetor) rreth orës 11:00, në superstradën Lezhë-Shkodër, pranë kryqëzimit të fshatit Gocaj.

Drejtuesi i motoçikletës, Gjon Zeka, nga fshati Kallmet i Lezhës, u dërgua fillimisht në urgjencën e qytetit dhe më pas drejt Spitalit të Traumës në Tiranë, pasi ka marrë fraktura në disa pjesë të trupit dhe ndodhet në gjendje të rëndë për jetën.

Gazetari i Report TV dhe Shqiptarja.com, Elvis Hila, informon se policia, e cila mbërriti menjëherë në vendin e ngjarjes, shoqëroi në komisariat drejtuesin e automjetit, shtetasin Ledian Maçaj, pasi nga veprimet paraprake hetimore bëhet me dije se mjeti që drejtohej prej tij, i cili po hynte në superstradë, i ka prerë rrugën motoçikletës, duke sjellë dhe përplasjen e fortë.

Kryqëzimi i fshatit Gocaj është kthyer në burim aksidentesh, pasi mungon fushëpamja për automjetet që dalin në superstradë.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mjeksia: 08/12/2024 13:46

    Po mire, se pari sherim te shpejte te lenduarit por cfare masash do te marre sherbimi i rrugeve pra shteti ne kete pike pervecese arrestimit te zoterise. Do te rregulloje hyrjen apo daljen ne kete rruge. Keto probleme jane ne shume pika te tjera ne vend. Nese nuk mendohet nje zgjidhja para se te ndodhin aksidentet qe do te ishte me e mira, te mendohet se paku kur te kete ngjarje te tilla

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Edison Ypi: Spiun dhe Bariton

Edison Ypi: Spiun dhe Bariton

25 Dhjetor, 21:10 nga Edison Ypi