Dy makina janë përplasur brenda tunelit të Llogarasë. Në aksident janë përfshirë një makinë tip BMW që drejtohej nga një 29-vjeçar me iniciale R.K., dhe një Volvo ku në timon ishte një 39-vjeçar me iniciale S.G.

Sipas informacioneve, janë lënduar dy drejtuesit e mjeteve dhe 5 pasagjerët, të cilët u transportuan drejt spitalit për ndihmë mjekësore dhe janë jashtë rrezikut për jetën.

Si pasojë e ngjarjes, qarkullimi në tunel u bllokua përkohësisht.

Policia vijon punën për zbardhjen e rrethanave të aksidentit.